又過左十二個月o既時間，時間突然間好快咁來到年尾喇．．．
呢年度回顧返自己o既一點一滴，坦言地講係不快o既比快樂o既多出好多～！！
睇返２００９年自己許下o既願望，就係希望明年生活可以過得開心．．．
但無奈呢個亦只係希望，甚至呢個希望亦只係明年復明年o既一個期望嚕～！！
有人話．．．人越係長大，感到生活上o既唔開心同唔順意就會相對地多～！！
而呢一年o既我來到呢一刻，真係突然間覺得自己又成長左；睇通左唔少野～！！
呢年面對生離死別o既次數，比以往o既任何一年都要多出好多呀．．．
可能正正就係呢種負能量不斷出現，所以連帶自己o既心情都一直未好過啦～？！
而今年o既我．．．亦曾經有過好多o既改變同埋試過去做ｄ新o既突破啦．．．
至於o係當中o既過程，我除左聽到唔少o既迴響之外；同時亦有唔少o既得著～！！
而呢一堆又一堆o既片段同埋經歷，亦同時為我o既人生寫下左唔少o既歷史～！！
年頭時間係阿大離港前o既尾聲，所以我都盡力把握每次機會去相聚．．．
因為今次一別就好可能要等三年，而且及後好多o既習慣同埋事宜都會隨之改變～！！
臨別o既愁緒充斥住我內心，但同時希望盡量搞多ｄ活動去留低更多回憶～！！
因為呢段時間o既阿大係比較自由身，所以該階段相見o既次數亦係眾年之冠啦～！！
除左０９年o既特意安排之外，年初搞o既活動都係以輕鬆為主力．．．
同時間一個又一個o既飯局亦由呢到開始，至於我就當然係想繼續玩特別啦～！！
除左係節目安排上玩過特別之外，同時間我亦為個仔做左首個自己o既突破～！！
集結左五年時間o既片段同埋回憶，去特製成一本紀念冊送俾佢作為一個紀念～！！
只可以話時間突然過得好快，一份又一份禮物送上之後就要送佢走喇～！！
當然除左我之外，身邊一班o既掛牌成員們都對佢感到不捨且擔心我及後日子～！！
佢o既離開無疑對我係一個重創，一切o既改變就由送個仔上機o個晚開始．．．
呢一年o既我最大o既改變，相信都係變得比從前易喊左同埋易感觸左囉～！！＞＜
機場一別之後．．．
所有曾經有過o既回憶同感受完全咁湧上心頭，而眼淚就不斷不斷咁流喇～！！
頓時間我o既生活就變得完全黑暗一樣，所有原有o既動力同意義一剎那間冇晒～！！
而身邊一班o既掛牌們早就預料到，我一定會有呢個反應同及後o既條件反射～！！
呢一年o既聚會或活動數目，同時亦係近呢五年時間之內當中最差o既一年～！！
年度活動除左阿姨同自己o既生日叫做有搞飯局外，其餘時間都係接近零聚會～！！
因為剎那間o既我變得咩都唔想做；唔想理，就連身邊任何人都冇動力去見～！！
但係佢地就係怕我會出事，所以都有唔少人o係呢段時間主動去支持及關心自己～！！
工作o既壓力同無奈已經令我接近崩潰，每日o既我都同行屍走肉冇咩分別～！！
就連一直我最愛o既巴士，呢段時間我都可以話係冇辦法提得出興趣再去理呀～！？
而每日放工之後最期盼o既事，就係盡量去把握時間同個仔傾到計嚕．．．
經此一別之後，我更清楚知道自己所想要o既；對我最重要o既人係邊個唷～？！
同時經過呢一年o既經歷，令我發現到身邊兩位本年對我支持度甚大o既朋友～！！
自二月同個仔分開兩地生活之後，呢半年時間o既生活就陷入空白一樣嚕～！！
除左盡量透過電腦間o既相處外，我亦曾經特意整左另一份小禮物寄左去俾佢呀～！！
捱過左１６７日o既分別之後，我終於都等到一個佢可以回歸香港o既好消息喇～！！
直到八月．．．佢終於都正式回歸，而我o既生活就再次變得有意思喇～！！
佢o既回歸係因為可以升讀城大，而我地一班掛牌曾經做落o既計劃就逐一開波～！？
冇見半年o既佢．．．第一個俾我o既印象同感覺，就係真係有唔同左囉～！！
而呢種內心忽然間o既忐忑，我的的確確都需要少少時間先可以適應得到呀～！！
另一方面．．．
既然０９年開始都玩開特別，所以今年就繼續以呢個方式去做主打啦．．．
阿仔回歸後首個正式活動就o係八月開始，透過吃喝玩樂帶出一連串o既活動～！！
簡單o既活動陸續開始，而年度o既重頭戲就梗係落在九月份阿仔個生日活動啦～！！
用左近兩個月時間去籌備及安排，一個難忘且感動o既私人派對就為阿大送上～！！
同時呢次生日活動亦係家族有史以來，最特別同埋最盛大o既唯一一次呀～！！
一連兩年阿仔o既生日都係由我守尾場，所以兩次安排都係以『特別』為主題嚕～！！
而阿仔生日活動過後，我地各自忙碌o既生活又再一次令我地相聚時間減少～！！
同時間呢個忙碌o既感覺就掀起個小風波，幸好佢都全靠自己而將其迎刃而解～！！
而十月份時間除左有同阿仔小聚之外，其餘各項活動亦都係全數暫停啦～！！
直到十一月o既另一主題活動再度出現，呢次就係同個仔再踏紅館去睇演唱會呀～！！
彼此間o既忙碌都令生活添上唔少壓力，瘋狂地狂叫左一晚將其壓力大大紓緩～！！
同時又係阿仔為我人生寫下多一個美好回憶，事關香港兩大紅歌手都先後睇左喇～！！
至於同其他各掛牌成員o既飯局或活動，同時都多數擺o係近年尾o既時間啦．．．
一個又一個簡單o既飯聚，輕鬆咁同大家圍埋影相同埋傾計都係另一種得著喎～！！
至於今年另一個急速冒起o既成員，就係都已經掛左牌多年o既四妹喇～！！
彼此間透過多次o既傾計同埋今年o既合作，令我睇到一個全新一面o既佢呀～！！
而拍拖間存在o既問題仍然充斥家族，有新人加入同時又有舊人o既離去啦．．．
一單又一單o既意外令局面出現變數，而原有o既掛牌們亦存在住唔少隱憂嚕～！！
大家o既表現有起有跌，呢一年亦令我睇到同感受到種種o既得與失呀～！！
年度o既計劃一個又一個咁出現，但又幾多個可以係今年正式落實到呢～？！
時間緊迫o既情況之下，無奈令到好多原定o既計劃都要被迫延期至明年度～！！
與此同時．．．大家都有左一個共識，希望所有計劃都唔再只係一個計劃喇～！！
所以年度最尾o既活動，經過多次o既商議後最終都正式落實於十二月完成啦～！！
雖然離港o既短線旅行未能成事，但係搞返個本港宿營去為本年大型活動作結啦～！！
至於年尾時間又係多事之秋，今年度好多野都出現問題同埋事事不順咁．．．
臨近聖誕節就梗係希望可以開心度過，平安夜繼續由阿仔為我留低開心o既回憶～！！
呢一年o既我倆都經歷左唔少事情，要傾o既野同埋要有o既共識都已傾過晒．．．
希望身邊o既大家都真正學懂珍惜身邊人，唔好俾自己留低太多o既遺憾啦～！！
時間一旦過去就無辦法返轉頭，至親至愛o既離開亦係冇辦法去挽回．．．
而人生當中．．．到底又有幾多個朋友或者知己真係真正咁陪住自己成長呢～？！
緣份一世就只有一次，下世無論我地喜歡與否都唔會再有機會重遇喇～！！
可以把握時間去為自己重要o既人去做更多o既事，或者呢種都係一種體會及福氣～！！
2010年度熱播十大歌曲
01 容祖兒－破相(208)
02 許廷鏗－我的離開也是愛(193)
03 林 峰－我們很好(177)
04 洪卓立－眼淚為你留(154)
05 光良&曹格－少年(131)
06 林 峰－所謂理想(116)
07 陳柏宇－日出前讓愛戀延續(101)
08 謝安琪－最後晚餐(94)
09 陳奕迅－陀飛輪(92)
10 楊千嬅&林峰－初見(88)
文章定位：
