＊～Ｅｔｈａｎ’Ｓ　Ｌｉｆｅ～＊ 點滴是生命...

199愛的鼓勵 0訂閱站台

呢期先後都有朋友及同事約食飯，所以應酬都多左ｄ啦～！！
雖然呢班同事都係近期先開始玩埋，不過我地都有共同苦況呀～！！

朋友見面當然都係講下近況，講下生活同埋工作上o既事宜啦～！！
至於同事間圍埋就梗係吐苦水，講下有咩不滿同埋一ｄ共同o既敵人啦～！！

有時候同唔同o既人傾計，或者可以將心中o既鬱結散緊ｄ出來嚕～！？
咁當然．．．點都係同自己最老友或最親信o既人傾，種感覺先係最好啦～！！

至於今日同Ａｎｇｅｌａ傾左陣ＳＭＳ，佢就話今晚約出來食飯喇～？！
原來佢早就察覺到我似乎有ｄ唔開心，所以就特意來關心下我嚕～！！

收工之後就隨即趕出市中心會合佢，而最於佢就揀左去食Ｍ記呀～！！＝．＝”
我地都隔左一段時間冇見面，今晚一見又係繼續勁多話題同近況要講～！！

大家都有呻下近排ｄ唔開心野，但同時又會講下笑話令對方開心下．．．
到食完野同傾完計之後，我地就行左一陣市中心同買埋左ｄ野就閃啦～！！

所以幾時都話．．．同自己ｄ朋友見面傾計，係最開心同輕鬆o既～！！
最起碼自己可以放低所有心裡包袱，去做返一個真正o既自己嘛～！！

接近年尾o既時間，我突然間好掛住同好想見下身邊一眾o既好朋友呀．．．
好想趁住呢ｄ開心o既節日，同佢地一齊玩過痛快；笑住咁送走呢一年～！！