＊～Ｅｔｈａｎ’Ｓ　Ｌｉｆｅ～＊ 點滴是生命...

199愛的鼓勵 0訂閱站台

 
成個星期都冇同個仔正式通過訊，估唔到今晚就有驚喜喇～！！
原來要令到我開心同笑．．．其實都真係唔係咁難嚕～！！

收工之後，收到一個無來電號碼o既電話．．．
當我正在猶豫聽唔聽之際，我最終都係冇做錯到決定囉～！！^.^

繼上次之後，今日個仔又打長途電話返來俾我呀．．．
我地一傾就傾左差唔多一個鐘，而且仲傾得好開心添呀～！！

除左講下我近期ｄ事之外，家族上o既事亦都有同佢提及～！！
咁當然另一重點，就係講下佢o係當地o既生活同學業等問題啦～！！

佢開始發覺大學生活，同從前中學生活有好大差異．．．
畢竟除左語言上唔多慣之外，就連學習o既模式都已經唔同左啦～？！

至於生活方面，當地o既感覺就梗係苦悶兼難頂啦．．．
因為香港o既生活始終多采多姿，吃喝玩樂都比外地多選擇嘛～！！

另外．．．佢話開始左返學o既生活之後，精神上的確係累左～！！
因為佢宜家每日都要用兩文三語去同佢身邊o既人溝通，所以咪傷神嚕～！！

而提及到佢到底有冇信心可以返來讀o既問題，要考慮o既野就多喇～？！
首要除左係結果之外，最大問題就係收佢o既科目係咪佢所想要～？！

講到信心方面，佢今次都只係答我話覺得係一半一半咋～！！
佢唔係對自己冇信心，反而係覺得大學收生始終係睇ＵＥ為主嚕～！！

無論係佢自己本身定係我，其實都係好想佢可以留返o係香港讀．．．
但奈何好多野都唔到我地去揀，宜家唯一做到o既就只係等一個好消息～！！

另一方面．．．佢o既口甜舌滑仍然冇變過呀～！！
因為佢越來越識得用方法去哄我，令到我覺得開心同滿足嘛～！！^.^

佢令我明白到人生所謂o既開心，其實真係可以好簡單囉．．．
因為一個簡單o既電話或訊息，就已經令到我覺得係唔簡單o既大禮～！！

每段關係同感每份情，其實都係要靠雙方個心．．．
而我亦都向佢承諾，到佢正式回歸香港之後會俾更多驚喜佢呀～！！