＊～Ｅｔｈａｎ’Ｓ　Ｌｉｆｅ～＊ 點滴是生命...

199愛的鼓勵 0訂閱站台

 
今日係假期最後一日，心情仍然未平伏得到．．．
尋晚睇完個仔寫俾我o個封信之後，我就變得越喊越勁呀～！！

好多o既擔心同好多o既唔願意，又再次湧上心頭．．．
至於聽日就係個仔o個邊o既開學日，同時我都要從新開工喇～！！

自送左個仔走之後，呢段時間內我都未曾笑過．．．
直到下午５：３０ｐｍ左右，個仔透過ＭＳＮ同我報平安喇～！！

全程最開心同最識笑o既時間，就係同佢傾計呢段時間囉．．．
個仔去到之後就先訓左三個鐘，因為佢搭飛機搭左咁耐始終會覺累～！！

到佢訓醒之後，佢就開電腦玩ＭＳＮ同我地呢邊o既人傾計喇～！！
佢大約同我講過佢o個邊o既環境同生活，而且亦都開始識到ｄ朋友喇～！！

同人打交道呢一方面，我就絕對唔擔心個仔唔掂呀．．．
不過我始終擔心ｄ人唔係咁簡單，所以我都再次叮囑個仔要萬事小心～！！

另一方面．．．
佢香港呢邊個手提號碼已經停用，同時亦已開左個新電話號碼喇～！！
咁樣．．．我地就可以有更多唔同o既渠道去聯絡同溝通嚕～！！

我知道．．．
個仔始終擔心我仍未接受到佢o既離開，同時影響到我o既情緒～！！
所以佢都叫我唔好喊，要學識接受佢暫時唔o係我身邊喇～！！