尋晚同左成班同事出去龍鼓灘ＢＢＱ喎．．．
呢度係我第一次入去，不過呢晚都玩得好開心～！！
不過到左今早返工就超累囉．．．
放工返左屋企休息一陣後，下午又要出去喇～！！
繼２／１１之後，我同兩個仔今日又有約會喇．．．
可能佢地都因為忙於補習及溫書關係，所以都顯得較累唷～！！
今日之行，我地係約埋一齊去睇『陳奕迅演唱會』呀～！！^.^v
呢個活動我地從未試過，所以都係我地o既第一次呀～！！
我地都係第一次踏足紅館，所以都顯得特別興奮喎．．．
現場o個種音效o既震撼；歌手o既唱功，同埋現場o既氣氛都勁正～！！
由於今晚係最後一場，所以歌手同觀眾都玩得特別盡興呀～！！^.^
今晚個ｓｈｏｗ簡直係正爆，好多歌我地都識．．．
我諗．．．或者今日係尾場關係，所以Ｅｎｃｏｒｅ都唱左好耐～！！
最終就要搞到１２：３０ａｍ先可以正式完左個ｓｈｏｗ嚕～！！
我同兩個仔都係第一次去睇演唱會．．．
所以對於呢ｄ節目都覺得特別新鮮，亦都睇到特別開心喎～！！
正因為咁o既原因，今個活動就寫下我地好多o既〝第一次〞喇～！！
而去睇ｓｈｏｗ之前．．．
我地先約好o係田景搭５８Ｘ出旺角，去幫二少揀野嫁～！！
而o係我地等緊二少過來之時，我同大少先有過對話．．．
個仔今早已完成北京交流一事o既面試，不過結果就係負面～！！
佢自己肯定今次一定唔可以成事啦．．．
換言之．．．我就可以肯定佢聖誕節假一定留返o係香港囉～！！
另一方面．．．
日前我心情唔好一事，二少亦有於尋日下午搵過我～！！
不過我可以肯定o既係，二少o既知道必定係大少通水嚕～！！＝．＝”
至於我地要先出旺角o既原因．．．
係由於二少有其中一對波鞋已退役，再者佢生日亦臨近～！！
故此我地就決定去旺角一轉，陪佢買衫兼買波鞋囉～！！
衫就完全睇唔o岩，所以就揀唔到啦．．．
不過波鞋最終都揀到，所以佢份禮亦正式於今日送出左喇～！！
呢對波鞋揀左唔係好耐，不過二少都問左我同大少好耐先敢決定～！！
大少俾佢揀得就實撐佢啦．．．
不過我相信二少係驚我唔喜歡，所以就遲遲都唔敢正式決定～！！
但我知道個仔擺明就係鍾意，所以我就決定唔反對佢買囉～！！
其後，我地就搭８７Ｄ落紅磡喇．．．
今日行程間．．．我地幾仔爺都有講有笑，玩得都好開心～！！
但由於時間太趕關係，所以我地好快咁食左Ｍ記就去入場喇～！！
過程聽返好多好聽o既歌，不過就令我有所感受．．．
呢堆o既作品除左好聽之外，同時亦令我有住唔少回憶囉～！！＞＜”
除左年尾o既除夕活動係可以橫跨１２點之外．．．
呢次活動相信都係０７年，甚至係咁多年中o既第一次喇～！！
到左完場時．．．
我地就分別搭特別線２５９Ｒ及２６０Ｒ返屋企喇～！！
呢晚．．．的確玩得好盡興，而且亦令我覺得好難忘囉～！！
回程期間，我同大少繼續有對話．．．
不過傾到來年o既政策及二少o既問題之時，佢就感到苦惱嚕～！？
而今日除左講過來年新政策之外．．．
我地今日都有傾過來年o既遊樂園活動及到外地旅行o既計劃～！！
不過佢地兩個先後要面對ＣＥ及ＡＬ唷，所以都未知能否成事～？！
而由１２月起．．．
佢地兩兄弟將要向我提交每個月＄２５０作儲備金之用～！！
呢個方案主要係想針對二少唔好再亂用錢，並收緊佢（地）經濟嚕～！！
快樂o既時光，往往好快就會過去．．．
下一個接住o既活動，就係兩星期後o既二少生日活動喇．．．
希望呢個活動都可以令到我地玩得開心，留低難忘o既回憶～！！
今日
今日事情如不願 今日問題如不盡
像處圈中圈 了斷也了不斷
若今日你倦了 頹然哭 容許我送贈暖
准我漫漫長路末端 亦如初戀
當日熱情燃不盡 今日熱情仍不盡
就算怎都好 你願我更加願
共跨盡冷及暖 甜和酸 才可以算是共存
能共患難 才是認真的有緣
#抬頭吧 相信愛 你便能飛
敢交出 你會創出傳奇
變幻人生是避無可避
卻沒人可驅使愛別離
（這份情愛卻永不會死）
抬頭吧黑暗過 會是晨曦
懷著樂觀 總有轉機
今天珍惜今天 逢凝望我心所愛的你
我已彷彿會飛 （能敖翔天和地）#
（我已彷彿會飛 你眼睛牽我飛）
今日像明日一樣 今日任何日一樣
就算怎辛酸 愛護你 我甘願
沒揀擇冷或暖 甜和酸 晴天雨季 缺或圓
全部受落 才是活得真正全
Repeat # #
文章定位：
