24h購物| | PChome| 登入
2007-11-06 20:42:03| 人氣41| 回應0 | 上一篇 | 下一篇
推薦 0 收藏 0 轉貼0 訂閱站台

６／１１／２００７

今日忽然有句『甚麼也在變』出現o係自己個心．．．
我諗．．．好可能係因為同近日自己o既經歷有關啦～？！

呢排節目多到自己都唔想再出街．．．
不過日前表哥大學畢業，我都有出席其活動一同祝賀～！！

雖然自己未能讀上大學，但我一樣可以感受到o個份喜悅～！！
而我呢日亦趁此機會，叫表哥幫我影左ｄ『大學畢業照』添～？！

我自己就冇可能有呢日喇，唯一o既寄望就係阿大啦～！？
再者近日同阿二之間又有種無形o既距離，就更令我有所感覺嚕～？！

每一日都有好多野發生．．．
而我身邊o既每一個人或者環境，亦都o係到不斷咁改變緊～！！
到底人有幾可靠呢．．．就連我自己都唔識答自己～？？＞＜”

另一方面．．．
今日阿二第一節補習完左o既時候，佢打來搵我傾左一排～！！
雖然呢個方式近日已開始成為習慣，但我今日就覺得怪怪咁～？！

因為今日o既我，只係揀左一個令大家都覺得舒服o既對話模式～！！
而我個心到底諗緊乜，我肯定佢係完全唔知道囉～？！
或者．．．佢聽到我識笑，就係代表我乜事都冇卦～？！＞＜

我地好似係講左好多野，而且亦帶出左唔少笑話．．．
不過今時今日o既佢，依然係俾唔到好充足o既信心我囉～？！
反之出道雖然唔夠佢長o既阿大，就俾到十足o既信心我嚕～？！

無疑．．．其實我地都o係到變緊～！！
可惜o既係．．．阿二o既轉變，就令到我同阿大都覺得擔心～！！
而o係眾多o既範疇上，阿二至此都未及阿大的確亦係事實～！！

為左阿二近日o既問題，我同阿大有過商討．．．
所有o既問題及相關事宜，我地都有左共識同埋做好準備～！！

改變．．．未必係一件壞事～！！
但我地已經有過兩次教訓，所以我地絕不想見到第三個囉～！！

佢地兄弟間有過對話；我同佢兩兄弟亦分別有過對話．．．
每一番說話；甚至對話o既氣氛或語氣，都令我有所思考～！！
而唔想嘈交o既方法．．．只好選擇裝作若無其事咁～！！＞＿＜”

我地三父子之間，仲有好多約定仍然未實行．．．
唔知道．．．所有計劃到左最終又能否成事呢～？！＞＿＜”


＊難道要失去　才學會想接受？＊

我要檢舉
台長： Ｅｔｈａｎ～
人氣(41) | 回應(0)| 推薦 (0)| 收藏 (0)
全站分類: 心情日記(隨筆、日記、心情手札)

TOP
詳全文