一個哥哥既故事＠自體實驗｜PChome Online 個人新聞台

2007-12-28 16:20:50| 人氣175| 回應2 | 上一篇 | 下一篇

一個哥哥既故事

推薦 0 收藏 0 轉貼0 訂閱站台

記得有一年聖誕前夕，有個哥哥同我一齊去深圳關山月美術館睇一個名為「平面設計在中國」既展覽。
旅程中，呢個哥哥同我講，話而家諗緊個idea，係將隻字造成冰格，雪成既形狀就係字既形狀什麼什麼的。睇住佢講佢idea既時候發出果種光芒，我而家依然記得好清楚。
回程既晚上，哥哥比左一隻ipod 耳仔我聽，ipod入面播住既，係Nat King Cole既“The Christmas Song”，我一聽，全身毛管棟起哂，同哥哥講「真係好好聽呀！」(好似忍唔住口連續講左多次好好聽. . .)
哥哥比呢隻ipod既耳仔我既時候，佢話左比我知佢每日都有清潔耳仔，因為佢有一隻耳仔係失聰。

今年聖誕前夕，我再去深圳睇呢個展。果個哥哥係車上面同我講既果個idea，已經放左入呢個展既展櫃入面，仲有其他有佢既名字，分佈係會展場多個角落。
當我見到哥哥既作品既時候，好想跳起跟住係咁搖隔離個朋友仔，話比佢知我有幾開心。
然後直到關山月落閘，天寒地凍而落雨既黃昏，去附近Star北s飲杯沙冰，因為唯有沙冰係無咖啡因，好使我夜晚訓得著。
呢個時候，音樂響起. . . 係Nat King Cole既“The Christmas Song”. . .

雖然當年同哥哥們相處既時間唔係好長，我仲要騎騎呢呢成日做埋d奇怪野嚇親人，呢個哥哥又有時衰衰咁「窒」下我，不過窒完我其實又放左好多野落我袋。呢班哥哥對我呢一生影響既深遠程度，遠超任何人想像。
好多謝佢地比我見到乜野係design，乜野係火，乜野係實踐夢想，乜野係努力，乜野係Nat King Cole. . .

到而家呢刻我仍然心存感激。
They are my Heros.

www.cplusc-workshop.com

我要檢舉

#design#HERO#奮鬥故事

台長：吹時

人氣(175) | 回應(2)| 推薦 (0)| 收藏 (0)| 轉寄
全站分類: 心情日記(隨筆、日記、心情手札) | 個人分類: 世界原來是美的 |
此分類上一篇:半本書的時間：是有點狡猾

回應(2)