暴屍荒野＠自體實驗｜PChome Online 個人新聞台

2006-05-25 08:17:02| 人氣113| 回應0 | 上一篇 | 下一篇

暴屍荒野

推薦 0 收藏 0 轉貼0 訂閱站台

唔好意思，嚇親有留意我既大家，我終於都冷靜落黎喇......
終於有人企出黎，為我既怨冤，做左一場法事......

呢幾日實在太多野加埋一齊......我就係一個咁發癲既人......
我既情感情緒就係咁激烈，太激烈.......

其實我真係好簡單，你對我做乜，我既反應就係咁直接，我真係唔會做任何既掩飾，亦都做唔到。
開心既時候我會比人笑得更大聲；唔開心既時候，烏雲就會大舊大舊咁圍係我身邊。
你真心對我好，我都會加倍咁愛返你；你介我一刀，我就算粉身碎骨都要還返你一刀。

係咪好恐怖呀. . .？
我覺得自己就好似加旋入面果隻歌露露、又或者果幾隻eva咁，一碰觸到我既開關，我就會失去意識咁破壞。
但係當我回復意識既時候，見到眼前被催毀掉既一切，又會覺得好寂寞. . . . . .

今次，我將一切既破壞力，都落係自己身上。
將自己剁開，伸手入去，扭捏自己既內臟。

其實對於我既自殘傾向，我一向都有少少意識。
孤男寡女既神經質洗廁所，其實我都有做過. . . . .
屋企有工人既我，絕跡廁房既我，曾經將廚房入面既碗，全部由頭到尾洗一次。
係洗完呢堆碗之後，我的確係可以好似釋放左一樣。

但係估唔到，今次都竟然係大規模咁下意識咁自殘緊，以及自殘得咁嚴重. . . . . .

記得理性朋友A講過，當兩個人遇到分歧，一係傷害人，一係傷害自己。
今次我又深徹咁體會到喇，起碼我知道自己選擇過傷害邊個，算唔算又大個左呢？

對唔住爹娘，之前咁樣怨，但係今次只係碰到開關制，將我收埋係心入面既說話，一次過爆哂出黎。
唔爆出黎，唔代表我心入面唔會咁諗。
過左咁多年，我既心已經漸趨平靜，有時碰觸到舊傷口，係會隱隱作痛，但係我諗我會慢慢習慣。

其實我都鍾意而家既自己，我誠實，以及識得古靈精怪。
至少有時古靈精怪得開心，同當時既古靈精怪，有著唔同既原因。

自體實驗報告完畢。

我要檢舉

#自體實驗報告

台長：吹時

人氣(113) | 回應(0)| 推薦 (0)| 收藏 (0)| 轉寄
全站分類: 搞笑趣味(笑話、趣事、kuso) | 個人分類: 自我解剖實驗報告 |
此分類下一篇:學識願諒自己
此分類上一篇:突然轉變既瞬間

回應(0)