自體實驗 吹時嘗試以己身進行實驗，將一套人人由細到大從益智卡通片灌輸之，但少數人會真正實行之價值觀，套用於自己身上。(假設套用方法正確) 再走入人間生態缸，在任由其他獵食者宰殺之前，作出最大反抗。 以証明自己所相信的價值觀，是我正確的選擇。 在此進行詳細紀錄，期待漫長實驗所結之果。

216愛的鼓勵 0訂閱站台

咁大個女，拍左一次真正既拖，又拍左一次假既拖，但係我仍然唔知“what is love? ”。
不過，係前晚，我諗我終於第一次有意識咁感受到。

我從來都唔係一個善於用語言表達自己既人，當佢終於肯係我面前吐出佢既眼淚果一刻，我竟然反應唔到。我唔敢比任何反應，我好驚我做既任何一個表情動作會觸痛佢，尤其佢係一個人過度保護自己既人。
於是我貌似冷淡地、木無表情地接住佢既眼淚。其實果一刻我好想比我既懷抱佢，但係我身體唔聽洗，同埋唔敢，我驚佢會拒絕我既懷抱。轉眼間，佢已經係我面前搞gag黎死撐佢剛才既失儀。我點會唔明丫，我都係最鍾意淚流滿面既時候爆一兩句白痴野出黎想緩和氣氛。但係原來咁做，身邊真係鍚你既人會更加心痛。

我唔知我可以為佢做d乜，我唔知我坐係佢隔離對佢幫助有幾大，至少好似當年咁，我受傷既時候，有人坐係我隔離陪到我訓著，我先至可以免於淚海既淹沒，平平安安咁渡過最令人軟弱而萬籟無聲既幾小時。
記得我既假係男朋友又話比我知，當你訓醒左果一刻，發現身邊既人唔見左，感覺係好得人驚。
我又點會唔明丫，當年我受傷既時候，朋友女坐係我身邊等我訓著，我先至可以安靜咁過一晚，但係朝早醒果一刻，發覺朋友女唔見左，雖然都係意料之內既事，但係眼淚係唔會明白你把口講既道理架。
果一刻，就好似比人無緣無故拋棄咁，想挽回都已經無機會，所以我等到佢訓醒我先離開佢身邊，唔想佢多一個難過既機會。

其實我大大話話都大過佢三四年，佢真係可以叫我做姐姐架喇，但係一直以黎我都又細路女又大小姐又刁蠻任性，以佢咁既性格都可以同我相處咁耐，就証明其實佢已經就左我好多。佢平時男仔頭粗粗魯魯咁同其他朋友仔玩到打哂交，但係佢無咁對我，佢知道我係睇落咁大隻但係其實比風吹一吹就會跌，我諗呢d就係佢對我呢個精神年齡細過佢既妹妹既一點庇護。

呢一刻，當我坐係佢身邊，望住佢訓著既樣，我知佢好(支力)，我好想伸手去摸下佢塊面，心好痛，好想流眼淚。

我諗我呢一刻既感覺，應該就係傳說中既愛。
突然間覺得自己終於變返個姐姐，憐惜我受傷流血既妹妹。

如果我有好d既身體就好，可以再照顧佢多d。我知道呢一刻既安睡，係我視線範圍之外，係好難出現。

以前既我，無論有個幾歲小妹妹係我面前都好，連個小妹妹都會當我係佢既妹妹咁同我玩，淨係識得享受沉浸係溫暖輕柔既寵愛入面，我以為我呢世女都唔識得愛人。
好對唔住，我之前既男朋友，我係偏心少少，你地未有機會比我咁樣愛你。
好lesbian？唔…可能係我都唔知…
又或者…我心理上係愛女人(?!)，生理上唔係…(??!?!?!!)

不過點都好，我証明到我自己除左屋企人之外，我仲識得去愛人。
我終於可以話比自己知，我並唔係愛無能。