符號戀愛＠自體實驗｜PChome Online 個人新聞台

2006-03-31 03:38:38| 人氣130| 回應0 | 上一篇 | 下一篇

符號戀愛

推薦 0 收藏 0 轉貼0 訂閱站台

我地進入左一個消費符號既年代，其實就連戀愛，都只係同一個符號戀愛。

兩個唔真正了解對方既人，話咁快就可以成為情侶，所謂既一見鍾情，無非都係鍾情對方係外面所建立既符號姐。

簡單d講句，唔真實囉。呢d咁無把握既投資，我好少做，我從來都唔鐘意賭博。

但係而家d人既beat就係咁去法，咩互相了解？睇佢個LV咪了解到佢係個有品味(?)既人囉。
咁就了解左架喇。

戇居，人地講乜你就信。
人地話佢係醫院睇病睇到岩岩先放到工，人地話佢帶你欣賞呢個世界，人地話幾咁愛你到不能自拔，人地話佢玩劍道?幾咁多獎，人地話佢幾咁想見你，人地話佢幾咁專一，人地話佢幾咁叻，人地話想同你一齊養隻貓，人地話佢幾咁有愛心. . . . . .

咁又點？佢唔願意交個心比你既話，以上所有句子都只係一個符號，渣唔上手，食唔得飽，安唔到心，溫唔暖到你。

或者悶悶地既時候，拎張紙出黎不斷重覆咁畫呢個符號，又或者將個符號黐上額頭行出街比人睇，就係呢個符號既最大功能喇。
咁既話，戀愛兩個字，都係一個符號，仲要係有保護你免受八婆歧視作用既護身符添。

呢排真係寫論文寫到走火入魔. . . . . .

我要檢舉

#戀愛論

台長：吹時

人氣(130) | 回應(0)| 推薦 (0)| 收藏 (0)| 轉寄
全站分類: 男女話題(愛情、男女、交友) | 個人分類: 八婆仔偉論 |
此分類下一篇:吹時愛的闡釋
此分類上一篇:吹時唔鍾意睇叮噹

回應(0)