Lonely Christmas＠自體實驗｜PChome Online 個人新聞台

2005-12-27 16:47:23| 人氣120| 回應0 | 上一篇 | 下一篇

Lonely Christmas

推薦 0 收藏 0 轉貼0 訂閱站台

夠喇.......就黎想發癲......

一行出街,成街都係聖誕氣氛,男男女女一定大細笑住面咁咁黐埋一堆。
人類果然係人類,識得製造氣氛黎刺激消費，d人又會明知係搶你錢既機會而掉個銀包落鱷魚潭又人撕咬。

睇住d人咁開心咁掉個銀包出黎比人搶,仲要有咁歡樂既聖誕歌黎做襯底音樂,好想禁住耳仔係條街度跑,係咁跑,跑到去無聖誕既地方。

聖誕前夕,已經plan定聖誕果日點逃避聖誕,好！閉關係屋企刨書！只要困住自己就百毒不侵,波野波囉咪,南無屙哩陀乎,色即是空,空即是色......南無屙哩陀乎......

不過世事往往咁神奇,好多意料之外既事發生。

意外一,係竟然黎到呢度會收到聖誕禮物,姨媽同表姐都送左聖誕禮比我,同埋workshop同學女都送左隻聖誕禮物比我,果一下幾感動,平時係澳門都唔會有既野,係香港竟然有,都算係lonely christmas中既安慰。

意外二，workshop朋友女平安日同我去睇king kong,估唔到我平安日都有街去。不過佢夜晚約左人,我地散果時,我自己係銅鑼灣落地鐵,諗住再轉車返屋企,命運既作弄,唔知做乜我會係time square個出口出,再作弄d,出果一刻咁岩係倒數果三二一,一出成世界係度又叫又跳。
我企係人堆之中,只有萬分無奈。想走又比人圍困,唯有被困係熱鬧之中冷眼旁觀。

意外三,終於返到屋企,諗住可以靜靜地咁避聖誕,點知,係跑馬地的家,都傳來陣陣聖詩既聲音,雖然幾好聽......但係果一刻真係有d想發癲......
哈哈哈,覺得自己好似一隻妖孽,聽到聖詩會發癲~

意外四,本來plan左返澳門,但係因為朋友話買左wild day out,所以唔返。

意外五,到左睇果日,一番轉折,無睇到。

我要檢舉

台長：吹時

人氣(120) | 回應(0)| 推薦 (0)| 收藏 (0)| 轉寄
全站分類: 心情日記(隨筆、日記、心情手札) | 個人分類: 發自內臟的高呼 |
此分類下一篇:有冇搞錯呀！話我唔識寫書面語！
此分類上一篇:聽聞我爹

回應(0)