自體實驗 吹時嘗試以己身進行實驗，將一套人人由細到大從益智卡通片灌輸之，但少數人會真正實行之價值觀，套用於自己身上。(假設套用方法正確) 再走入人間生態缸，在任由其他獵食者宰殺之前，作出最大反抗。 以証明自己所相信的價值觀，是我正確的選擇。 在此進行詳細紀錄，期待漫長實驗所結之果。

216愛的鼓勵 0訂閱站台

“懶感性！“我的確係懶感性。

可能係我太容易投感情入去所有野度啦,就好似當我聽到人講野又或者睇到文字,我個腦就會即時浮個畫面出黎,所以人地同我講野,我反應係屬於遲鈍果隻,因為我要比時間我個腦想像個畫面或者情節出黎。
仲要係諗到入哂神,諗到好深好深,將自己代入其中一角添。

所以睇戲找都會勁投入,就算睇d明知趨淚戲,明知佢係谷你眼淚,但係都會喊。

喊既野會喊,就算唔喊既野我都會喊。前果排收音機勁播王苑之果首手望,我無論聽幾多次都好,都喊足咁多次,慘就慘在我要覺得好好聽,係咁聽,就係咁喊,喊足成日,支力到我丫......

終於過左手望果排,呢期搭個8x,又黎劉福榮首繼續談情。其實我對劉生d歌不嬲都興趣不大,但係搭巴士無野做就焗住聽。原來同手望一樣,又係講同戀人陰陽相隔。

開頭都無乜心機聽,點知聽聽下聽到句類似詩定辭既歌詞,就留意左,又唔知做乜,係架巴士度，d眼淚又滴鬼左出黎......
又對號入座喇......
我又唔係同佢陰陽相隔......只不過係我係明白想愛但係永遠都唔可以再愛既感受姐......

頭先唔小心睇左一集個汪亞姐做果個唔知”識法xxx“既野,胡杏兒個角色......
係話佢讀大學果時本來係成績勁好既學生,後來識左個師兄,開始左佢既初戀,點知有一日發覺佢有女朋友之後大受打擊,成績毀於一旦,仲患埋厭食症。

汪亞姐話佢同個女換衫果時感覺到佢d骨凸哂出黎,我記得呢d說話我爹娘都同我講過好多好多次。
呢鋪入座得都算度身訂造,雖然我唔係讀law......

當汪亞姐好平淡咁講佢個女換衫果時感覺到佢d骨金哂出黎果下,我d眼淚又狂標......
不過我爹娘講既同汪亞姐相反,佢話我係塊面凹哂入去,唔係d骨凸哂出黎,哈哈哈哈......

其實每次我爹娘一咁話我,我都只可以苦笑一下,好對唔住,我都控制唔到......
我都好想努力食多d,但係我真係食唔落......
我都唔想令你地擔心.......
我都唔想咁......

不過其實胡杏兒個角色都比我幸福,最起碼當佢厭食果時佢地成家人圍住佢拿住碗粥質佢食野,我果時都只係對住工人,食兩啖就擺低都無人係飯台留我。
直到我既厭食有成績果日先至有人發覺我瘦成咁......

我記得暑假之後返學,d同學仔個個都問我係咪減肥,我只可以苦笑答佢一句”係呀~”囉。
其實跌左廿幾磅姐,無乜大不了,反而仲幫我減左肥添啦,岩岩呢期又興瘦,咁咪岩囉......