湯美李…鍾思……?＠自體實驗｜PChome Online 個人新聞台

2005-10-31 22:55:37| 人氣96| 回應0 | 上一篇 | 下一篇

湯美李…鍾思……?

推薦 0 收藏 0 轉貼0 訂閱站台

真失禮. . . 仲話design student,連Tommy Li係邊個都唔知. . .
其實兩年前已經見過佢,上當年做澳門設計師協會主辦既設計雙年展既student helper既時候已經見過,當時佢係唯一一個無翻譯跟住既評審,我果時仲未知佢係乜水,自己做自己野。不過就算知佢係邊個又點喎,走埋去同佢傾兩咀會有金咩~
到左上年大三assessment,佢做我地既校外評審,我地返去執返d功課走既時候,見到佢行過,佢又望住我,我又望住佢,乜果個四眼佬咁熟口熟面既呢. . .都無理到,返去執功課先. . . 咁多野,帶埋紅白藍膠袋夠唔夠拎呢. . .
點知,亞sir話比我知,校外評審係比我最高分果個. . .
我呆左. . .唔係幾相信. . .我不嬲都唔係最有天份最叻果個,點解會比最高分我?
跟住就開始留意Tommy Li呢個名,於是上網搵資料,睇下佢係乜水都好丫,哦~原來就係見過幾次面果個四眼佬. . . . . .
其實我真係好想問下佢,點解會比咁高分我,連我亞sir都話唔明點解喎(仲多次咁話)。
終於到左大四,要搵實習公司既時候,唔知果條友收唔收呢. . . . .試下囉. . . . .
好啦,上網搵啦,tom mi li 呢個字點串既呢,我開頭search果時打左tommy lee,點知出左湯美李鍾思. . . . .
好啦,打中文,李、永、銓,enter,搵唔到野既. . . . . .
問同學仔,噢. . .原來Tommy Li係咁串既,終於搵左,經過一波三折之後,終於可以去佢公司做實習仔喇~
而家係出發前夕,心情十分緊張. . . . . .
記得上網搵佢d料果時,見到個有blog,又係設計學生黎既,佢當Tommy Li好似神咁拜,唔知比佢知道我咁樣盲樁樁樁就樁到入去,佢會唔會憎死我呢?

我要檢舉

台長：吹時

人氣(96) | 回應(0)| 推薦 (0)| 收藏 (0)| 轉寄
全站分類: 心情日記(隨筆、日記、心情手札) | 個人分類: 騰騰雞雞 |
此分類下一篇:原子彈P70109
此分類上一篇:學習認路

回應(0)