學習認路＠自體實驗｜PChome Online 個人新聞台

2005-10-30 02:21:19| 人氣96| 回應0 | 上一篇 | 下一篇

學習認路

推薦 0 收藏 0 轉貼0 訂閱站台

由出世到而家做左咁多年人,可以講話從來都唔洗我自己認路。
細個有珍姑帶我返學放學,大個少少有校車坐。
出親街都係同爹娘出,都係坐爹車。
我細個除左返學放學同埋同爹娘出街,可以話門口都無得出。
再大個d,自己返學放學,條路已經比人帶到熟哂,合埋眼都識行咁濟。
所以有一次,同個補習姐姐去到國華果頭,我竟然可以當左去餃餃鎮果條路係天神巷,以為做乜無啦啦成條街消失左. . . . . .
係澳門,我去既地方有限,點都唔怕蕩失路,就算去未去過既地方都實有人帶我。因為我身邊既人實在太縱我喇. . . . . .佢地都知我唔認路,所以去親邊都實會幫我計劃好哂,其實真係好幸福。

但係下星期,我會去香港實習兩個月,以前就算去香港,都係同爹娘或者朋友仔過,有佢地幫我帶路,我可以話可以合埋眼黎行都有佢地照顧我。
但係今次,真係得返我自己一個喇. . . . . .
我要自己一個搵實習果間公司,自己一個面對公司既同事,自己一個面對新生活,係一個完全無縱容我既人既地方裡面,我生唔生存到呢?
其實我非常不安. . . . . .

但係,其實我係專登比自己呢次機會,比自己試下一個人生活係點,好想學下大個女,雖然香港唔係好遠,但係就係無至親既人係身邊,無縱容我既人係身邊,無得比我無時無刻咁搵人哭訴,無得肆無忌憚咁向人撒嬌。
唔知我會唔會係跑馬地同柴灣之間蕩失路呢?
唔知我要自己一個搵到實果間公司要幾耐時間呢?
唔知我會唔會比人排擠呢?
唔知公司多唔多是非呢?
好不安. . . . . .

我要檢舉

台長：吹時

人氣(96) | 回應(0)| 推薦 (0)| 收藏 (0)| 轉寄
全站分類: 心情日記(隨筆、日記、心情手札) | 個人分類: 騰騰雞雞 |
此分類下一篇:湯美李…鍾思……?

回應(0)