遣返記＠自體實驗｜PChome Online 個人新聞台

2005-04-18 19:05:15| 人氣24| 回應0 | 上一篇 | 下一篇

遣返記

推薦 0 收藏 0 轉貼0 訂閱站台

一個風和日麗既下午,T小姐同亞B小姐計劃結伴同遊呢個拱北。

“丫~我果本野下個月到期喇~”

“咁你快d去換啦~一陣去唔到豬豬樂園~”

‘唔~終於都可以換鬼左果本核突野喇~我要用張靚相~唔洗比人笑~”

“到你喇. . . . . .”

“小姐,你個証過左期喎. . . . . .”

“下!!!!!!!!!!!!!!!!!!. . . . . . . . . .咁. . . . . .點算呀. . . . . .”

無助既我呆左係當場. . . . . .跟住亞關員哥哥就叫我跟住佢行,我一路跟住佢行,一路驚. . .死啦~唔知佢會唔會扣留我呢. . . . . .我帶住複雜既感情回頭,一黎係諗住望埋B小姐最後一眼之後,就開始我寂寞既被扣留生涯. . . . . .二黎係用眼神向B小姐求救,B小姐,你要救我出去呀~~~
不過好彩~關員哥哥帶左我去司令台度,叫我由呢條個出口返返去吧啦~
頓時,心情由悲一野片過髮夾灣轉入喜悅既大直路。我再回頭望亞B小姐,佢既表情真係無辜又無奈。
於是B小姐無奈地,跟住我由果個出口,走返出去。

意以~呢個情境,好熟口熟面. . . . . .丫!!!唔知邊個歐洲地方每年有個唔知咩節,係放隻牛係條街度跑,跟住成村人唔知做乜專登走出黎比隻牛追,成村人一齊走難咁係咁走係咁走. . . . . . (話時話,我唔知點解d人要咁戇居果日仲要走出街比d牛追餐懵)

而我同B小姐,就係人群間唔中夾住兩隻牛而成既河流之中逆流而上。
隨左逆流而上之外, 唔知係咪呢個世界上實在太少人好似我咁過到關先至知個証過左期呢,當我地沿路走出去既時候先至發覺,原來條路係有入無出架. . . . . .有條長長既欄杆,將入關同出關兩條路隔開。
唔通我地要好似明珠台d唔知咩生還者呀咩越野果d game show d參賽者咁,飛越欄杆,再繼續逆流而上?
好彩醒目既B小姐,發現原來係無窮無盡既欄杆之中,原來係有缺口,因而避過飛越欄杆既命運。(飛得越都仲叫有型d,最慘係無咁好身手要雞手鴨腳咁爬過去. . .)

好多謝B小姐,體諒我既戇居+無記性+白痴. . . . . .仲一句都無鬧過我~實在萬分感激/感動!!!如果係I小姐實鬧到我狗血淋頭+笑足我成世喇. . . . . .

我要檢舉

台長：吹時

人氣(24) | 回應(0)| 推薦 (0)| 收藏 (0)| 轉寄
全站分類: 心情日記(隨筆、日記、心情手札)

回應(0)