鄉里落D＠自體實驗｜PChome Online 個人新聞台

2005-04-03 23:55:41| 人氣90| 回應0 | 上一篇 | 下一篇

鄉里落D

推薦 0 收藏 0 轉貼0 訂閱站台

記得我細細個既時候,已經由我爹娘帶我落過D,果度係某酒度既配套D場,我地一家大細坐左一張枱,係呢個黑monk monk既地方由得D燈係我地身邊度掃射,就好似睇卡通片果d著橫黑白間衫既監獄逃犯咁,d燈係咁閃,係咁掃,對於一個仲係細路女既我黎講,真係一個新奇又刺激既地方。

見到d人好似傻左咁彈下彈下,好奇怪,仲奇既野就係,我爹娘叫我跳舞喎......我話唔制架~佢地話唔怕啦,呢度黑monk monk 無人見到架哩~我開頭死都唔肯,後來佢地話,咁不如你係枱底跳咯,於是......我就半推半就地係枱度郁下郁下,咁就跳左我係D場既第一隻舞。

而家諗返,好似比佢地搵笨咁囉~佢地又唔跳,係叫我一個跳比佢地睇~蝦人既......

過左好多年之後,朋友仔叫我落D,咪落囉,去左幾次,但係落到去,我真係跳唔出哩~於是我就坐埋一二邊睇野。其實我都唔係咁鍾意去......
撞岩尋晚個frd又叫埋我去,佢跳還跳啦~又拉鬼左我去舞池,我企得好硬地唔郁,係唔郁就唔郁,好似個傻婆咁......其實係一堆舞動既人群之中企硬地不為所動都需要一定既勇氣......哈哈~

企企下,我攝埋左一二邊坐左係個舞台既台邊度,望住d身材好好既洋女瀟灑奔放地扭動佢地既身體,好靚呀d身型~哇~果邊果個仲正~哇哇~黑人身型仲靚呀~d皮膚黑到令架好型呀~成個身體既比例呀線條都好靚呀真係~哇哇哇......

當我係度望住d洋女目定口呆既時候,有個洋女走左上我後面既舞台度跳,咁岩個舞台又有兩碌柱,佢走左埋去玩table dance......其實無乜所謂既......但係問題就係佢手上面有一杯七分滿既飲品,佢一攬住碌柱一轉......我諗你都估到發生咩事架啦......

咪就係成身濕哂囉我......

我要檢舉

台長：吹時

人氣(90) | 回應(0)| 推薦 (0)| 收藏 (0)| 轉寄
全站分類: 心情日記(隨筆、日記、心情手札)

回應(0)