假笑＠自體實驗｜PChome Online 個人新聞台

2004-07-22 09:41:41| 人氣63| 回應0 | 上一篇 | 下一篇

假笑

推薦 0 收藏 0 轉貼0 訂閱站台

人係咩時候會笑呢？
任何時候。

人係咩時候會真心咁笑呢？
遇到開心事既時候，遇到有趣既事既時候。
仲有一個情況，就係絕望既時候，你會想喊但係己經喊唔出，跟住就唔知點解會無啦啦係度苦笑。你唔好話苦笑唔算係真心，苦笑都係發自真心架，只不過唔係開心咁笑之嗎。

係咩時候人會唔想笑而笑呢？
當人迷信笑係可以令到自己個樣變得善良既時候。例如大鱷既皮笑肉不笑。
當人迷信笑係可以令自己個樣變得靚d既時候。例如當人面對鏡頭既時候。

但係d人唔知道，皮笑肉不笑其實係幾咁難睇，尷尬，噁心。
尋晚唔小心睇左果個全線大飲茶，個欣宜係度同個肥姐接受訪問，欣宜講野果陣都無乜問題。但係到亞肥姐講野果陣，個欣宜係度保持一個笑既樣，輕輕依起棚牙，面部既肌肉微微谷起，但係佢對眼係唔笑既。
可能得一部相機既話呢個表情可以呃到果一個鏡頭，但係當好多個角度既時候又或者係一段影片既時候，就真係呃唔到咁多喇。佢咁既表情起碼要維持十幾秒等佢亞媽講完野先至可以回復正常。
呢十幾秒真係夠喇......
好啦，己經夠難頂，但係好多人係呢個下半面假笑既時候，可能覺得上半面無乜戲份所以要比d野佢做咁，要監粗睜大對眼，等佢大眼既樣可以停留係張相入面。但係佢並唔知道，一個假笑同一對唔笑而空洞既大眼加埋，係幾咁得人驚。
係，我曾經都試過咁做，但係當我見到我呢個咁得人驚既樣之後，我決定唔比呢個樣再出現第二次......

我要檢舉

台長：吹時

人氣(63) | 回應(0)| 推薦 (0)| 收藏 (0)| 轉寄
全站分類: 心情日記(隨筆、日記、心情手札)

回應(0)