生擒記＠自體實驗｜PChome Online 個人新聞台

2004-07-21 15:00:00| 人氣69| 回應0 | 上一篇 | 下一篇

生擒記

推薦 0 收藏 0 轉貼0 訂閱站台

一個密雲既早上，我返到公司，如常地係張玻璃台上面食我既早餐，食食下，我發現有一隻好似手指尾頭咁大既小動物係張玻璃台底度飛飛下。開頭以為係甲由，望真d，原來係一隻勁大隻烏蠅係度周圍撞。
我透過張玻璃台望住佢，心諗無理由望住佢黎送早餐咁開胃假？
於是，我於拿起裝過早餐既膠袋伸去台底諗住趕走佢。
點知......唔知佢係咪驚得濟還是聞到膠袋既食物氣味，佢竟然兜頭鐘埋黎個膠袋度！既然佢都自己送上門，無理由放走佢假？而且我都係公司見過佢幾次，都覺得佢勁煩，又飛得大聲喎，又撞到d野叮叮聲，都幾噁心，所以，我決定捉住佢。
捉到佢喇！我捉住佢既時候，先至有機會比我見到佢既真面目。佢有著好似手指尾頭咁大既身軀，由頭到尾有綠白色不是太直既直間，啡橙色既大眼球。透過個膠袋，我雙手感覺到佢爭扎，差d比佢走甩喇！我下意識地收緊我雙手，之後感覺到"勒"一聲，係佢身體既外骨骼折斷既聲音!
透過透明既玻璃台，我目睹毛骨悚然既一切，真係好噁心，我好想大叫，但係我知無人會理我，因為間房入面得我一個。我只好用抖震既雙手，拿住個包住烏蠅既膠袋，衝返入公司拿拿聲搵膠紙扎住佢，等佢永遠咁係留係入面。

之後，我想繼續食我未食完既早餐，但係，我發現我食唔落......

我要檢舉

台長：吹時

人氣(69) | 回應(0)| 推薦 (0)| 收藏 (0)| 轉寄
全站分類: 心情日記(隨筆、日記、心情手札)

回應(0)