車天車地 一個有好多回憶既地方!!!

106愛的鼓勵 0訂閱站台

8-2-10(一)同阿何、阿Lo一齊放工去左食意粉屋，然後返學。

 

9-2-10(二)返IFSII第六堂，臨過年前，都少左人返學。

 

10-2-10(三)整左老虎紋GEL甲迎接虎年。

 

 

 

 

11-2-10(四)學校舉行農曆新年慶祝會，d小朋友著得好靚呢!而我的紫色con也一樣美麗呢!真係愛上左colour con。

 

 

 

    明天開始放新年假，極唔想返呢堂，但因為要傾小組present功課，唯有返啦!放學同Dranell食飯。

 

12-2-10(五)琴晚2:30瞓，那時都勁頭痛，5:30醒了，再lun成個鐘都瞓唔著，跟住起身了，6:30起身，8:00阿媽返工，我再瞓過，10點半起身。夾埋得5個半鐘，12:30出門口，坐103過銅鑼灣，一直call阿何都搵唔到佢，因為我想去銀行入埋張cheque先，但一直搵唔到阿何，anyway入左先，但我係恒隆大廈只得卓越理財counter，所以打去問瑩瑩邊到有另一間hsbc等我可以入cheque，佢話我知要去到利舞台個邊先有，不如用支票機，於是今日學多左個新機器點運用了，真係要讚嘆科技o既先進。

 

    去到ceo門口見到阿何，原來佢冇帶電話，好彩我地一早約好左1點係ceo門口等，如果唔係佢佢會回家取電話，跟住我地去左新釗記食飯，我叫左個鳳爪排骨飯，d餸ok，但D飯痴立立，完會唔好食，加埋杯野飲，重要34蚊，一.一平時係紅磡買只係14杯加一杯豆漿。

 

    食左好少野，跟住去維園行年宵，同阿何一齊買左好多家庭用品，成個師奶咁，keke!

 

    跟住行街，行LCX,Agnes b…，然後去意粉屋食tea，跟住6點去做facial，然後我地上左新世紀，我買戲飛，佢就換年糕。然後回家了。

 

13-2-10(六)12點瞓，10點起身，12點瞓，2點起身。夾埋得12個鐘。Lunch阿媽回來時，幫我叮了乳鴿同埋d飯，d乳鴿皮好肥唔想食。跟住又打日記聽，5:30行新世紀廣場，同HI Q睇七十二家房客，套戲係好睇，有好多笑位，呢套同花田喜事都不錯。

 

    睇完戲8點幾，由於睇戲時食左雪糕、爆谷、同汽水，太浪胃，不能即刻吃東西，跟住我地去了行花巿同花墟，最後空手而回，最後去了茶餐廳食飯。

 

14-2-10(日) 年初一數到Max越洋o既電話來拜年，感覺得特別，以往通常係你去拜年前或人地來你家拜年時，才會打電話去講祝賀說話，我唔係長輩，又有人打來同我拜年，重要係長途電話tim，真係多謝曬!

 

15-2-10(一)起身後又lun左半個鐘先起身，上網ken話1點來接我，跟住我睇電視播電影「大三元」，哥哥真係好正。

 

    睇埋新聞，1點2了，出左商場，但唔見少敏，自己周圍行下，但不太感覺到新年氣氛。繞完街巿，行經隧道時，回望望見到Ken架車，係避車處不見佢架車，因冇曬位，跟住佢call me話駕車泊高左係聖三一對面。

 

    跟住我地樂富車佢個朋友傑哥，然後一齊出旺角neway唱k，唱K時KEN不斷落去入錢泊車，因驚抄牌，但傑哥話俾佢就唔入，因為新年。

 

    唱到抄不多6點走了，因傑哥要入屯門，所以KEN送我回家先，去到中圖書館的油站時，傑哥都建議KEN俾我渣下，於是我由油站駕返愛民。

 

    零晨2點幾，收到阿勝的e-mail，我叫佢打人數時打多個名叫安安B，莫非係Tracy又有左。