3-10-09(六)琴晚2點瞓，今朝11點幾起身，瑩瑩send sms來問我要唔要渣打d$150紀念鈔票，其實我真係可有可無，既然你有我就要啦! 跟住我地約埋一齊去和亭食午飯，然後上去教協報名整蛋糕，跟住見到攞$100o既收據可以用$60買海洋公園Halloween的入場卷，嘩!抵到爆，本來想同瑩瑩明天先去，因今晚阿Ray都約左我踩單車，但瑩瑩話今日去會好d，因玩完今晚都重有一天休息。 之後同佢去百老滙攞埋佢買了42寸電視o既清潔禮品後，就各自回家，然後再約係海洋公園見。
分手後，我去左屈臣氏買野，d熱浪薯片因12月就過後，所以$8.9有2包，好抵呀!我都買左4包。收到細梁sms話佢患了H1N1，其實佢個班都有成一半仔14/27發燒，大家都心覺係H1N1爆發了，但衞生署叫只叫我地出通告(但唔知點解校長最後都冇出lor)，都冇叫我地停課。跟住我再call阿王話告知呢個消息，阿王係佢partner，d病徵又咁鬼似，患左都唔出奇。 返到屋企後，就同Edmund msn話佢知我今晚去Halloween了，但佢認為我會去2次…一.一唔好傻啦!
今年海洋公園十月全城哈囉喂!o既主題係「百年香港鬼一晚撞晒」。
今住4:55到出門口，去到車站，唔駛幾分鐘就有170了，好好彩呢!5:02上車，5:19下車，瑩瑩卻仍未上車呢，所以我先入海洋公園行陣先，襯天還光，影下相都好!
想坐下吊車，欣賞下景色，但瑩瑩話佢落車了，咁樣我又會趕不切返轉頭，那去熊貓館走一趟先。
會合瑩瑩後，我地當然去玩鬼屋啦!第一間玩o既鬼屋係熊貓館對面o既「魔大迎新夜」，係一個房內，隻鬼著到黑蚊蚊扮影子係最搞笑，因為估佢唔到佢用呢個途徑出現，我記得舊年我係迪士尼都遇到呢款鬼。
跟住去登山纜車旁o既「通驗實驗室」，起初有隻鬼介紹話：「一陣會一人一間房問我地驚唔驚?」我以為佢講笑，點知入到去真係一人一格房，跟住熄曬燈廳鬼古同睇片，d鬼會係你後面彈入來，同埋個頭係上面吊下來，都未話唔驚，驚係因為我怕有人會捉我隻腳，驚佢唔知會用d咩方法來搞我。玩完呢2間鬼屋，我同瑩瑩o既comment係今年真係驚左wor，同埋一人格房呢招不錯!
第三間鬼屋去「高街鬼屋」，佢地扮精神病人，其後有一個精神病人突然攞住枝針筒想吉我，我用打算問佢真定假，跟住佢追住我，我係度笑，佢話我係度笑，問我係咪想打針，重雙手攞住針話要吉我patpat，hahaha，笑死我!其實我驚時係會用笑來表達架!(呢樣野係我好多年前在海洋公園玩太空摩天輪時發現的。)
之後我地坐海洋列車上山頂，這就去左另一個山頭了，第一次坐海洋列車，感覺很好，又快又舒服。
玩第四間鬼屋「鐵路驚魂」，其中有一個室架車響安好鬼嘈。似乎warm up夠了，已不在太驚!
跟住係條路到，周圍玩d鬼影相，我係到讚d鬼，叫佢靚女影相，佢地會影得好樂意的。遇到一隻高上貓，佢影相時會背著你的，有個忍者企條柱到都好搞笑。
跟住去左海獅館個邊，見到有隻吸血疆屍，都幾靚仔架!跟住我地LAY入個棺木影相，我lay左入佢那格，佢話我用左佢個副，我話never mind，跟住佢話咁我唯有咁啦!於是佢擋係我前面，我唯有按住佢膊頭爭個頭出來影。有隻鬼攞住個空雀籠，我話你籠雀呢!佢話呢個係燈籠來的，hahaha!
行去玩第五間鬼屋時，有隻鬼話我地d人醒，簡日最少人o既o黎玩，yeah!咁我都祝你中秋節快樂啦!排得最耐都算係呢間「東瀛凶舍」，背景本身就係日本花園，但完全唔記得入面有咩tim!haha!
之後去麥當勞買個包食，其實由入場時都已經有點肚餓了，後來一直忍住肚餓，笑得多時都已經冇乜氣力了，食完野沖完電，之後去玩瞓棺才，呢個感覺好特別，因為人生第一次呀，瞓係入面都幾寬敞，可能副棺才夠大副，入面軟綿綿的，同埋係到播鬼估，有一個鬼係到講話要帶埋你去邊，同埋係腳那個位會有d野氣體噴出來，都幾得意。加上我明知有個鏡頭位係腰位個邊，所以有時都會對鏡頭係到笑。
跟住去第六間鬼屋時「13號差館」，入屋時攞個八卦，d疆屍唔會埋身，我咪順手攞個啦!今次呢個玩法唔錯wor!見到鬼時，我就係到講話有八卦，但去到最後一間房時，有隻鬼話我個八卦都冇用，因為冇著燈，我中半信半疑咁話你開o黎睇下，原來係要按八卦後面的中間制，佢中示範來照一隻行緊埋o既疆屍。隻疆屍會即刻彈開，hahaha，好搞笑，我諗番之前d疆屍叫到我拿住個八掛都唔多理我，同另轉面，我諗佢地係立眼見到個八卦而唔理我多了，都冇理到個八卦有冇著燈。
然後我地行去大樹灣個邊，並係途中玩左2次「越礦飛車」，第一次都係第一架車就有得玩，都冇咩人排隊，我記得我以前玩呢個過山車唔多驚，但今次再玩時，係對d向下衝o既位置，因為有離心力，而有d驚，但車打側行個d位就唔驚，到第三次落斜時，就不驚了，因為有之前o既經驗，同埋個距離較短。之後再即係去玩第二次，完全唔駛排隊就可以上車了，玩第二次時，我去捉著前面d手制，反而驚d，因為個離心力令我覺得我好似會成個人由頭頂個邊飛出來。
之後繼續行落大樹灣，沿途都唔係好多人坐登山電梯，要搵d鬼影相都好容易。有隻鬼攞個網住我個頭，瑩瑩話影唔到，佢重影個時都係呢個post，我就佢有冇第二個post，佢話係咁，唔通…(佢攞個魚網扮裙)haha!重有燈籠婆婆。
去到大樹灣同拓塔天王影相時，我做出請的動作，佢話：「有禮貌」真係好鬼搞笑。
跟住想入「m&m呈獻冥通中心」但排左一陣都冇乜點郁過，就改去玩「彭氏兄弟之鬼域」，呢到唔駛排好耐就有得入，入到去先入左去個電梯到，然後係到震，我同瑩瑩本來行最後，企係電梯門口，跟住我地都係涉番係人群中，突然有個窗口彈開有隻鬼show個頭出來，之後對門開了，我地繼續係入面行，入面d佈景都幾靚wor!good!
最後再去埋最後一間鬼屋「m&m呈獻冥通中心」，我記得一入門口時，有好多透明管入住m&m，同埋有d鬼扮戲睇，最被佢嚇親係我唔為意有隻鬼係個舞台到彈落o黎。
11:15到已玩曬d鬼屋，我地坐係度休息同埋等睇表現，「噢!屍卡大儉典禮」呢個show不錯，有次雲(地雲)做主持，做有4大天王，michael jackson，古天樂，超搞笑，同埋d舞蹈都好好睇。11:55完show，我地都走了，坐番巴士去正門，架巴士都有蜘蛛網同蜘蛛做裝飾，幾靚呀!
係正門個邊，巴士$21係紅隧係第一個站，去旺角小巴$20重有礦泉水送，咁就當然坐小巴啦!
估唔到係佢竟是行山路出灣仔，繞在10分鐘，但一過紅隧後，佢行公主道轉入衞理道，開心死我!可以係屋企樓下落，我由唔駛由旺角行番屋企，so good!
瑩瑩12:35msg話佢剛剛先上車，會係銅鑼灣轉車，此時我已坐電梯去到7樓了，12:36話咁快就返到屋企，正!
返到屋企因為媽媽要錄影，我就唯有用電視睇玻璃樽，睇到2點幾佢錄完時，我先去沖涼，跟住再睇埋套戲，3點幾睇完就瞓了。
文章定位：
人氣(103) | 回應(0)| 推薦 (
0)| 收藏 (
0)|
轉寄
全站分類:
不分類
