車天車地 一個有好多回憶既地方!!!

106愛的鼓勵 0訂閱站台

4-9-09(五)放工同阿何一齊去麥當勞買野食回家，由8:30-10:30睇2個鐘o既絶代商驕，跟住就瞓了，2點時起了身，呢幾日都早瞓，但半夜總會醒，因鼻敏感好多鼻水，所以要醒一醒清埋下。

6-9-09(日)10:47起身，瞓左成半日，精神叫做好d，我總懷疑我自己早幾日作緊病，冇理由要瞓咁鬼多，同埋一瞓個刻，總覺得身體有點興，但應未到發燒境界，今天沒返崇拜。

     終於的起心機去design下facebook  o既restaurant，跟住睇tvb播o既算死草、然後再睇錄左半個月都未睇o既超級學校霸王，然後執屋聽歌，8點時食緊麥當勞。

7-9-09(一)返工企門口收探熱簿，一個字「熱」，真係熱到想死，企門口又冇風，返到學校入面又冇冷氣，都痴線架!呢d咁o既工作環境，真係好討厭，冷氣你何時會來?

     放工回家，本身8點上床，後來傾電話傾到成10點瞓。

8-9-09(二)IED開學了，展開Year2旅程，真的好唔想返，但為了之後d生活好過d，有書都係襯早讀吧!返學同貝然傾計，都好開心識到呢位姊妹，神o既安排都好得意，讀ce時識到惠玲，Bed就識到貝然，身邊總有基督徒支持。10己回家了，結果到12點已好眼瞓了。

9-9-09(三)早上起身，下雨，所以可以坐的士返工，以後一下雨我都要坐的士，唔想自己行到個身濕曬先返工。同埋唔好再辛苦自己了。

     Lunch打電話去同呢班家長打下招呼，同埋增加對我o既信心。

     3:15leave，去睇濕診，由於睇住一班212開走了，所以我行出歐化那邊等車，哪兒可以6C/6F/212先去圖書館借下書，跟住睇醫生，順便講埋頭髮問題，諗住佢會開洗頭水，點知佢話我唔係頭炎，唔開，最後只是俾我去驗下血，驗血個到又搞笑，個日期任我開的，去攞藥時，醫生又唔記得簽名，同埋D藥寫錯名，我又要行番轉頭搵醫生，結果都成5:15到先走!

    跟住去了永安換一支keep fit cream，表妹俾的，然後去左係中僑國貨，一入到去o既感覺就係好大陸feel，我去左睇磁石圍棋同燕麥，早之係日本就唔好買我個盒咁薄o既圍棋啦!買番焯賢個盒會棋o既size好捉d。

    最後返屋企了，係到睇小說，又係一追開d愛情小說就停唔到?

11-9-09(五)上兒童學的研判方法，呢個叫梁智熊的bear sir真係超好笑，佢教過特殊、智障、聾啞學生，又識做手語，又話自己係係tvb第一期訓練班，又扮智障學童的刷黑板方法，真係超好笑，本上呢堂想釣魚都釣唔到，因為笑不停嘴，同埋佢真係教得好好，令我喜歡上呢堂。遇上一個能令你喜歡上課的老師，其實都幾重要，一來可以學到野，二來可以減弱我不想返學o既念頭。

您可能對以下文章有興趣

開放日

倒數

香港濕地公園

三個敗筆