24h購物| | PChome| 登入
2009-08-02 22:51:58| 人氣86| 回應0 | 上一篇 | 下一篇

有驚喜!

推薦 0 收藏 0 轉貼0 訂閱站台

30-4-09(四)9:00同仔排舞，只係一個星期，畢業舞蹈的初形已有了，一切都好順利，真係要多謝阿王o既幫助，佢令我學習到點樣去排舞。

 

    校長同我講話我d瘡西利左，唔靚女，哈哈!你估我想架。下午佢同我傾番畢業典禮事宜時，我咪話我都緊張畢業典禮o既野，如果唔係點會搞到塊面咁，校長話我緊張係好，如果我唔驚先令人擔心。

 

    放學又留係學校做埋d手尾，執下個課室，燒埋隻碟(跳舞隻碟加多段雀仔聲)，最後更拿左d教案回家睇下點樣搵教材、同埋要整埋d教具，真係好少可會拿野回家做，anyway破下戒啦!

 

    坐5:50車回家，行下商場，用埋今日到期o既6蚊cash dollar，跟住回家等3o既寬朋師傳o黎裝modem。

 

    開左箱Birketnstock鞋o黎睇，我對粉紅色鞋好靚，因個底都有公仔，當初上網訂時，睇唔到呢對鞋底有冇公仔，又唔知隻粉紅色係點，因為呢對鞋冇圖，佢只得藍色帶有圖。anyway照買，估唔到有驚喜，粉紅色一樣咁靚。

 


 
 

    12:30sleep

 

1-5-09(五)10:30紥醒，開電話睇見到已10:30了，拿拿林起身，因11:00約左阿王同明姐佢地去旺角小肥羊飲茶。

 

    11:20去到，呢間d野食麻麻地，種類都唔夠銅鑼灣同尖沙咀多，同阿王、林浚彥、明姐、明姐個女一齊食到2:00。

 

    跟住回家3:30-6:00睡覺，睡醒睇埋關於豬流感o既新聞，就行出麻油地坐地鐵去九龍灣先，俾左兩隊birkenstock鞋阿蒙，然後再坐去藍田，鵬嫂叫我去商場幫佢買口罩，不過兩間鋪頭都閂了，跟住去阿Joe屋企，係大堂就撞到細佬同伯母。

 

    BBQ時，Dranell打來話我知已有H1N1確診個案，患者係一個墨西哥旅客，估唔到由上星期六開始發現豬流感，到而家唔駛一個星期，香港都有個案，今次我都好似有D驚(我指比起SARS，擔心傳播速度比sars快，係擔心會容易死怪，擔心世界未日怪)其實當年SARS我都冇乜驚，我都冇乜點戴口罩。

 

    本來明天會同少敏上大陸Message，現在都係取消好了。

 

    燒到12點左右，執埋野走了。先坐旺角van(大約3個字就出到旺角了)，然後再轉愛民van。

 

    沖埋涼，敷埋msak，3:30sleep。

 

2-5-09(六)九點幾起身時，右邊上半身勁痛，郁唔到，應該係瞓覺壓到條筋，之後再瞓番，到起身時都仍然痛，其實琴日飲茶時，已覺得有d痛，唔係太轉到身，估唔到今日會咁鬼嚴重。

 

    12:00再起身，用部按摩器按下條筋，就鬆左d，但轉身仍然痛。

 

    2:45又瞓到5:15，我諗係食左藥，所以好眼瞓，繼續打下日記。

 

    從6:30晚間新聞得知星期一不會停課，於是即係開工整埋d教具，等星期一上堂用，想搵d關於警隊維持治安o既短片，但屋企部腦開唔到，留番星期一返學搵啦!

 

3-5-09(日)本身約5:45同Michael係黃埔睇戲，條死仔5:00打來話剛起身，結果成6:30先到，佢未到之前，係黃埔行街，見到阿sa有簽名會，跟住去冒險樂園玩，真係好唔鐘意人遲到，早知你會一定遲d到，我就坐遲2班車先落o黎，睇青春高校-回到十七歲，呢套戲幾好睇wor!

跟住去尖麻綠豆食糖水，

 

5-5-09(二)放5:00，即刻落深水埗做小朋友表演服o既鋪頭睇衫，整一件表演服都要百幾、二百蚊，一d都唔平，但再搵唔到件雀手衫就真係麻煩了，冇衫又整唔到powerpoint(因我想小朋友著住d表演衫，然後放落powerpoint到)。

 

    跟住坐地鐵去銅鑼灣泉章居，同埋兩個阿姨、姐姐、老樂一齊提早慶祝母親節。

 

6-5-09(三)下午leave，去睇皮膚覆診，跟住坐3號巴士去大角咀同Dranell一齊去金嘉樂食tea， 6:00leave，返學校幫Dranell print notes，結果print左3百幾張紙，我今年d free quota都用曬了。放學俾番d notes佢時，佢帶埋kitty落街散步，係18號巴士來之前，我都有幫手放下狗架!

 

7-5-09(四)sick leave，9:00去到急症室，等到11:30先有得睇，頸至膞頭郁唔到，原來只係肌肉抽筋，有d動作做得不太好而整親。我懷疑係因為而家將個細電視放係大電視機上面，我成日打電腦時往後望電視機而整襯。

 

我要檢舉
台長： 車人

您可能對以下文章有興趣

人氣(86) | 回應(0)| 推薦 (0)| 收藏 (0)| 轉寄
全站分類: 不分類

我要回應
否 是 (若未登入"個人新聞台帳號"則看不到回覆唷!)
* 請輸入識別碼：
請輸入圖片中算式的結果(可能為0) 
(有*為必填)
TOP
詳全文