車天車地 一個有好多回憶既地方!!!

106愛的鼓勵 0訂閱站台

16-10-08(四)放5:30上棋社，同深明sir捉棋，平手捉，到中盤我都重有得同佢捉，不過後來我補錯棋，輸左!其實輸贏對我o黎講冇咩所謂，因為我而家求進步，想學多d野，況且深心sir比我緊張得多了，佢話曬係一個老師，所以當佢形勢不利時，睇到佢愁眉苦臉，極為緊張，我都有d唔知點咁，當我投子時，佢反而好識讚番我邊到捉得好，好有進步等…

anyway，大家身份不同，所背負的得失都唔同。我發覺而家捉棋時，只要我行左d令人好懊惱o既棋時，我都會覺得好開心(當然我冇考慮到我行個隻係正手定俗手，因為我本身都行得隨意!)

    今晚傻狗都有來，好耐冇見佢了，佢一來到又好慘咁被Joey蝦，佢實在太可憐了，見佢係基督徒，又係純情少男，加上佢又係狗，我地呢d同類一定會互相幫忙的，所以我幫佢對付Joey。

    晚飯終於都唔駛再食三洋了，去食番潮樓，焯賢放左學同小保放左工都一齊來join我地食飯。食飯時被小保同Kelvin呢兩個壞人屈我講粗口，好彩焯賢信我冇講，為我申張正義!佢地先肯收口。

    飯後去麥當勞玩bang，小玉同焯賢一樣，佢地都分別問左一個唔同但又搞笑o既問題，佢問我同Dranell係咪拍拖?

    玩到1:00走了。

17-10-08(五)下午又開課程會，今個星期五日，有3日都用左o黎開課程會，真係想喊，我機乎乜都未做過。只從學校參加左呢個課程改革活動後，真係忙左lor!

    返ied上堂，今堂改左係電腦室上，可以一邊上堂一邊上網，開心!

    放學同Dranell去食金嘉樂，試左係多士上加沙糖，又真係幾好味wor!

    食到11點幾，想去OK試荔枝味雪糕，但賣曬了，可惜!跟住想坐18號回家，但發現18號o既尾班車係11:20，我等到11:35都冇車，恐怕尾怕車已經開走了，所以又係行番屋企。

18-10-08(六)早上出左組，總算打曬反思同下星期ied課程導師要的一星期有意義學習大綱。

 

    放1:15，坐6x出尖沙咀，同焯賢一齊坐地鐵去天后會合Amy同王子，然後一齊去海南雞食午餐，跟住上敏軒，其後Anderson也來，同焯賢捉讓9子棋，佢都過左我9子了。跟住同阿恆d學生捉，我都慘敗，我真係要好好再練習下先得，怪只怪自己唔係點諗棋。

 

    捉到6點，阿恆就俾佢d學生玩Bang，而佢亦都叫我地玩Citadel，我心明王子係一心來捉棋，所以我都唔敢玩住，點都同佢捉下棋先，免得佢唔開心，同佢捉棋時，楊生有來指導我地，我鐘意佢呢種教學模式，可以即時引導番我如何去思考和下棋。

 

    捉左2盤初盤後，我都去左玩Citadel了，而王子就去左打棋譜。玩到7:45走了，去了新釗記茶餐廳食晚飯，9:30leave，我同焯賢、王子行番去銅鑼灣坐車時，Dranell打電話來問我地過唔過番旺角食野。我地都係九龍人，過番旺角當然冇所謂啦!

 

    呢位遲到大王蘇老師，又顯佢遲到本色，我地坐地鐵去到旺角，佢先係Poly坐火車來開角，我地三個就去新之城樓下o既機鋪睇人打機，到Dranell來時我去左女人街一間叫八福o既餐廳食野同飲野。

 

    之後我、Dranell、焯賢又去麥當勞傾計同玩Bang，頭幾鋪，我都同焯賢夾份先Kill Dranell。跟住佢勁無穩咁睇住我地玩，玩到2點幾leave。

文章定位：

我要檢舉

台長： 車人

您可能對以下文章有興趣

紅雞蛋

敬禮

馬灣公園

你隻衰「朱」

人氣(43) | 回應(2)| 推薦 (0)| 收藏 (0)| 轉寄
全站分類: 不分類