車天車地 一個有好多回憶既地方!!!

106愛的鼓勵 0訂閱站台

16-8-08(六)Kelvin7:50打o黎話我知佢地玩到而家先走，真係開心，可以玩成晚，重飲完早茶先走，但我卻要返工呢!返8:00，大家係到hea，食下琴日食剩o既西餅做早餐。

差不多9點時，蘇明來了，同佢夾下d詩歌，9:15小朋友陸續返o黎，9:30準時開show，第一場結業禮係俾K2同N1，好彩我班仔有細梁睇住，咁我就專心係個場到錄VIEDO，阿Ben講道講左好耐，跟住到各班攞獎，然後我班仔致送紀念品俾嘉賓。D嘉賓可能見我d仔攞住份玻璃禮物，驚佢地重，我d仔一行埋去，佢地已經雙手接禮物，但我d仔練程序時，係要先躹恭、握手、然後俾禮物，再躹恭，佢地d反應唔係我d仔所預期，所以昕諾都唔知點去、而陽陽就更加唔肯俾禮物，因為佢係一個按步驟做事o既人，程序一唔對，佢就會好堅持。慶幸o既係啊宜能正確完成整套動作，獲得10分。

之後到表演環節，本來一切都好順利，但去到小朋友轉圈時，陽陽帶頭做動作，本應是對的，但漢聶又無情情自己就去企埋位先，又話陽陽錯….er…無眼睇!雖然表演出錯，但我又無咩所謂，不竟父母叫到子女有份出場表演已經很開心了，他們不會計較太多，況且，我班仔練表演一個月都冇(因為之前外評)，所以平常心啦!

11:00完第一場，11:30又到第二場K3同K1o既結業禮，後來發覺viedo唔夠帶錄全場，跟住到K1小朋友表演時，我用右手渣相機錄viedo，又用左手渣另一部相機同佢地影相，咁都俾我錄到同影到一個字「勁」!

1:00前完Show，1:07leave，行到去樓梯口時，撞到Charamaine同佢媽媽，佢媽媽話我瘦左好多同靚左!Thx，但近期都擔心自己肥番，因為飲得太多朱古力咖啡奶昔!hahaha!

傾一陣就閃了，因為我要趕撘1:15o既免費巴士回家。最後當然趕得到呢班巴士啦!

返到又hea左陣，玩陣古惑仔先瞓!2:00瞓到5:00起身，其實瞓到唔想醒，因為太累了，不過人地生日會5:30開始，所以都要起身，然後去梳洗，坐5:35o既巴士落黃埔，過班馬線時，就撞到正昕同豆豆(佢細老見和，豆豆也好搞笑，星期四那朝我去佢個班睇小朋友，我用手指篤住自己塊面叫佢：「錫錫」佢聽極都冇反應，到佢冇反應時，就係佢自己模仿我個動作，用佢隻手指o黎篤我塊面，真係笑死我!到放學時，我同佢媽媽講番呢件事，媽媽話豆豆係屋企模仿電視d舉重運動員去舉重，運動員好辛苦舉唔時，佢又學，人地舉到，佢又舉到!人地放低，佢又放低，真係搞笑!我都係鐘意d傻奸奸o既小朋友!)行樓梯落麥當勞時，就撞到埋佳俊tim!

去咁多次麥當勞，今次係食得最舒服o既一餐，因為今日位置多，我又比以往早到，我可以自己一圍枱，等d小朋友自己行過o黎同我玩，我又冇專登行去搵家長social，結果就係開開心心飲我o既朱古力咖啡奶昔!
七點幾leave，坐7:30巴士回家。