車天車地 一個有好多回憶既地方!!!

106愛的鼓勵 0訂閱站台

19-4-08(六)昨夜8點幾，已掛3號風球，今日教育局宣佈幼稚園停課，社署叫家長唔好帶子女去幼兒中心。

7:20同阿媽一齊出門口坐的士返工，7:30已到黃埔，時間太早，去了買早餐，順便幫阿何買埋。

等埋阿何回來一起食早餐，早餐有牛奶麥皮(食d健康野先)、餐肉、雞蛋、腸仔同熱朱古力都只係$19，未飲杯朱古力已經好飽了，雖然食得飽，但都係唔滿足，可能d野唔係自己最想食，所以感覺爭d。

今日只得3個仔(沙沙、鋑浩、靄宜)返學，又可以做自己野。食完早餐開工做野，先嘗試燒綜藝晚會個隻碟，但未成功，9點半後出去銀行，順便拿番支藥水俾李佩瑤，因為琴日唔記得俾番佢，人地屋企要照顧兩個女，咁我拿去開銀行攞埋俾佢啦，行到去海韻軒，超大風，走時開始有雨，我全腳濕曬。

跟住去滙豐銀行攞番張食左o既提款卡，間住個職員sell我出白金信用卡，今期有電話送，又ok wor!咁啱我部電部壞壞地，個個都話聽我把聲好細聲。於是出埋呢張卡。

返到學校打下檢討，跟住11點幾食飯，12點見校長講番佢個日觀我課o既事情，都有得著o既，提番我點樣做綜合教學做到最好，我一唔讀書後，好多野都開始忘記了。

傾到點1，跟住放工了，雖然唔想返teenzone，但都返了，撘212時，坐上層最前右邊近路口位，後來我打電話問book facial o既日子，校長叫我(佢坐係上層最前左右邊近窗口位)，我知有人同坐那個位，但冇望過過去，好彩我唔係打電話同阿蒙講佢啫!

架巴士本來過完紅綠橙就可以下車了，但唔知前面發生左咩事，架車停左差不多10min，司機就開門俾我地下車。返到teenzone，先有分享祈禱，然後佢地就去溫書，組家就係到分享組員近況同埋Ricco話有新建議，就係夾組，雙組長，咁對我來說好d，事關我星期六好多時都要返工，返唔到來，雙組長有人take care組員，咁樣會好d，之後一齊靈修，都成6點先走，今日返完teenzone，感覺好似好d，希望我能有堅決d留係到侍奉啦!雖然有好多因素(常星期六返工、將來可能讀)，想唔做，但一唔做，就會冇待奉，去番舊年Ackie同我講的問題，應做d有意義o既事，到時又要搵下野來做。為神作工咪唔錯o既選擇lor!
2點開始，3點幾分享祈禱完，d仔仔囡囡去溫書，我地組長就開會佢下佢地o既近況，跟住接近5點先開始靈修，都搞到成6點先leave，回家。三號風球下著雨，更想早d回家，我要留係屋企聽雨聲洗滌心靈。
一直都唔夠精神，好想做d瞓，8:30做霍元甲，其實唔鐘意打鬥片，不過睇開左就睇埋佢啦!後來都睇到眼濕濕，片中，霍元甲在年輕時是一介武夫，為了得到津門第一的稱號，狂暴殘忍，极度膨脹，而且胡亂收徒，揮霍無度。為講述霍元甲遭受挫折埋下伏筆(并非根据真實曆史改編)，其後落魄的霍元甲在山村遇到盲女月慈，在她的感化下重新燃起生活的熱情。後來他創立精武會，係與日本人打最比賽時，佢中了毒，然後講了呢句「人無辦法選擇生命o既開始，但要有勇氣走最好一步!」勁!雖然死了，但佢臨死都唔選擇刹對手去win比賽，係最得人心，孫中山先生讚揚霍元甲「欲使國強，非人人習武不可」之信念和將霍家拳公諸於世的高風亮節，親筆寫下了「尚武精神」四個大字，惠贈精武體育會。

10:50pm睡覺。