車天車地 一個有好多回憶既地方!!!

106愛的鼓勵 0訂閱站台

9-4-08(三)琴晚開始停餐單，本身可以7:30先起身，但接近7:00時，被屋企人嘈醒了，又瞓唔番，所以起身send靈修分享俾Millie(因琴晚斷，所以今朝即刻send番，估唔到自己會咁積極，都好o既，起碼我肯定呢件事係神所喜悅的)。

早上校長觀課，佢睇我用全英文上堂，又ok，冇咩野，跟住睇埋大肌、音
樂堂，咁就過左了，我完全平常心，冇擔心過，連前2年ied視導都過埋，呢d觀課同那時去比，又點會有壓力!

下午冇咩心情食飯，又唔肚餓，可能因為琴晚果餐飽到今朝。今dd飯同菜就去做野了，要出旅行備忘錄、編枱號、車號、同埋要綜藝表演o既cd，忙到冇時間去見校長講番今日觀課的事。

放工回家，坐5:50車回家，係屈臣士買了染髮質俾阿媽，跟住返屋企食公仔麵，义燒同菜。

同阿媽染髮，個盒野冇供應手套，我左手冇用手套，右手渣梳，結果我o既左手變左黑手黨，我阿媽就好緊張我會洗唔到，我又冇擔心過，我用過soap、洗頭水、護髮素、火酒、洗甲水去抹，都係脫少少，阿媽話搞到我咁，早之唔染，我話唔係呀，佢而家個樣起碼後身10年，所以值得的。

PS第二日開始，逢人問親我隻手點解搞成咁，我都話我中毒，可能肝有事。Keke

12-4-08(六)7:45起身，8:45回到學校，今日學校去保良局北潭涌渡假營，我同阿Lo一架車，我地架車遲遲未開車，因為要等埋林嘉穎太婆，佢專登係青衣坐的士出來，咁唯有等埋啦!

沿途玩bringo遊戲，都幾好玩。

去到營地停完營地人員講解後，自由活動，同d同事去條河果邊玩水上活動，我去了呢個camp site都有4、5次，都係第一次玩到水上活動，先同阿蒙玩水上單車，跟住同阿Lo、細梁、詩姐姐玩划艇。

呢間學校個校長有樣好，就係俾我地同家長去旅行時都可以自己玩。

玩左兩樣野後，已經11:45夠鐘去食飯了。

飯後取key去6F1同6F2預備一陣家長福音聚會活動，係駁電腦同投射機時，部Notebook勁細聲，搞左好耐都總算出到聲，但d聲細d，加埋Speaker就有d散。到播dvd時，試過3次播播下部Notebook同投射機接駁唔到，真係多風波，不過都總算完成個活動，旅行也接近尾聲了，可以等3:00回程。

之後同阿蒙去麥記食了個包同小小薯條(好耐好耐冇食過了)，之後食松記，5:40leave，行返教會，係圖書館門口見到佢地祈緊禱，於是去副堂toilet，之後係停車場同teenzone o既人傾計，然後同Rico講我返teenzone同將來返學o既問題。佢話幫我同牧師講聲先，我之後就再搵牧師傾。

後來再去返圖書館門口，佢地都未ok，於是係門口同家媛、Chris嗲下。跟住入去時，收到Mandy送的生日卡，同埋佢地同返1-3月o既壽星仔女唱生日歌，呢首歌真係遲左好耐wor。

接近7:00時開提團成立十週年慶祝籌備會。

開完會同團友一齊去皇上皇食飯，去之前先幫Phoebe買一支西柚汁。食飯有我、Phoebe、寶文、Vicky、c妹、力so、萍姐、浩堅、家媛、豪哥、Chris、偉仔、Mandy。