車天車地 一個有好多回憶既地方!!!

106愛的鼓勵 0訂閱站台

22-1-07(一)返學時，Yanny問我會唔會讀degree，我本身唔想讀，但如果佢地，大家有個’盆’，一齊讀都可以諗下，加上在學券制下，讀書可能有資助，最多批$60000，我都只不過俾2萬幾蚊黎讀，事實價錢係ok，不過冇心想再呢一科lor。

23-1-07(二)放工回家後，又試係8:30訓到第二朝既5:30，然後打視導report，到7:00時又再訓多50分鐘先起身準備返工，返9:00。

25-1-07(四)睇完中醫就回家，回家途中，收到媽媽電話知道爸爸放假，於是我先去心粥館等佢地一齊黎食飯，呢間飯館又要好耐好耐先有得食，真係餓死人，討厭再去呢間到食，but冇得’簡’，因以往食開既麗斯餐廳執左，唯有等麗斯呢個位置間大快活快d開。

26-1-07(五)放學後，本想同phoebe去板前食野，我去家樂攞飛，佢去街果間攞飛，但兩張飛都爭先幾十個no.先到，於是我地去了Pizza hut食dinner，可惜我冇帶manhattan卡，如果唔係可以食一個好抵既6折套餐。
飯後成11點幾同phoebe去家樂睇鞋，不過d鋪頭都關曬咁濟。

27-1-07(六)放工回家，係度睇由鄭伊健做既「天行者」，都幾好睇wor，緊係啦，有鄭伊健做架，劇情都ok，因未到最後都唔知伊健佢係戲到由泰國出監後，番黎香港做好多善事，又派米，又搞公司上巿，究竟佢係想服仇，定係…，而香港警察知道佢番黎後，怕佢搞事，又成立特別部門去跟佢，恐防佢搞事，根本戲中方中信所講，呢個現今既反恐策略，就係預防有人搞事(即使那個人未搞事)，到最後先知原來伊健做咁多野，係因為佢係泰國坐監個8年中，讀左好多書，想做番一個好人，但原來呢個社會由黑變白係冇人信，所以人一行錯路就冇得返轉頭，好灰…好彩係現實中，我相信人約在基督事，舊事已過，一切都變成新的，but仍要面對好多艱苦既道路。
睇戲後，4-7睡覺，跟住就起身打番視導report，3點先訓。

28-1-07(日)本來午堂要做招待，但太累了，所以call shauna幫我做，我12:30先起身，跟住會合shauna佢地去泉章居食lunch，只是$36蚊，幾抵食。
跟住同shauna、阿勝又去睇睡袋，我、shauna同阿勝都一心諗住買個$285既睡袋，點知個sales話呢個睡袋未必定得住法國幾度既天氣，要買羽絨先得，shauna就又猶豫好唔好買了，因為普通睡袋佢都有，唔需要特別買，同埋呢個睡袋係法國既天氣下未必用得著，阿勝就話佢一定會買一個俾自己用，佢重非常好人咁肯借俾我用，等我去完法國用完先俾番佢，阿勝你真係超好人，又係另一位好弟兄。
Then同shauna係朗豪坊會合vicky’s、hazel、念念佢地一齊睇羽絨衫同freeze，shauna就諗住買羽絨，我就諗住買freeze，因為羽絨太擁腫，我本身都肥啦，所以係香港就一定唔會著羽絨，反而freeze可以折番開黎著，我係香港著得番既機會更大。
之後我地一行人去金雞廣場25樓café飲野，我就5點幾到搵埋瑩瑩去卓悅買暖包，因為佢有卓悅credit card，會有95折，咁都買左成$236，係香港我都唔會用暖包，真係估唔到有一日自己會買成百幾蚊暖包黎用。接著去教協買野，同瑩瑩去睇con水等，行到7點幾到，跟住歸家了。