車天車地 一個有好多回憶既地方!!!

106愛的鼓勵 0訂閱站台

2-1-07(二)放5:00，先去kfc買了6隻雞翼，諗住同阿媽一齊食，係我去緊左吉之島隔來既民政事務署到取申請居屋既表格時，點知收到佢電話佢有個老師離世，要去安息禮拜，而知呢個民政事務署亦都冇form攞，要再去海濱廣場17樓到攞，都未話唔遠呀!如果一開始由學校那邊行個去會近好近lor，而家我係沿一個正方形繞了一個圈。攞左幾份form，諗住幫埋阿joe攞。
坐5:50車回家，食完雞翼就睡覺了，由7:30訓到10:30，跟住起身做埋份art功課，做到12點完成。

3-1-07(三)放工後，去了carlifornia沖涼洗頭，然後坐小巴去TST再轉k16返ied交art功課，學校裏冇導師個locker，搵counter既叔叔問我份功課係幾時交，我話1月5日，佢話我咁早導師冇擺功課箱係到收功課(早2日交功課，唔係好早啫，都左幾年ied，我好似從來都末試早2日可以交到功課lor)，所以幫我開個箱，我都有同佢講上星期我已經有一個同學仔交了功課，那時佢都有開一個功課箱o架。不過算啦!最緊係導師收到功課就好了。
交完功課6:45到，就行去朗豪坊對面既小肥羊到同同事一齊打邊爐，我係大堂到撞到李老師，跟住一齊上去搵佢地，因大梁同阿Lo已到，其後細梁、阿彭同阿林也陸續到來。
小肥羊D湯底都幾好味，所以全程唔唔駛再落鼓油點餸食，試過過辣湯底(佢地已經夾起曬D辣椒)，但都好辣，我佩服可以食得辣既阿李同細梁。
阿林(以前都係安基同事，後來調了去安怡)講返話佢校長今日有D自豪，因我地個校長請教佢地，問點解體適能D人同佢地間園既小朋友做評估，流程可以咁smooth，並叫佢地既同事打黎同我地講同事講。我而家終於體會到點解下午開會時一聽到呢件事會覺得冇面，一來個project由申請計劃書都大梁寫，相信佢對每一樣內容也會清楚，佢自己都覺得流程順利呢d野無需要問人，校長去問人d咁既野真係好’火羅’同埋人地個校長覺得自豪之如，也會覺得安基既同事好’炸’。
講開又講，呢個校長真係唔無謂個樣都唔做，回想起上次去旅行，陳錦盈阿媽同我講話明明佢訂7盒飯盒，但點解只得6盒，佢話早幾日收到取飯盒通告時也是只得6盒，我心諗你當時做咩唔出聲，但係數飯盒呢件係由校務處去做，出錯都唔關我事，不過你係其他人面前咁講，咁到好似我出錯咁，呢個時候校長黎同我解圍話唔緊要你食住先啦，唔夠再買野食，還以為校長真係咁好心。
佢係星期一返工同我講返話人地家長真係訂了7盒飯盒，不過佢見人地只得4個大人，同4個小孩，覺得人地唔駛食咁多野，所以同佢改左做6個飯盒，重話因為改左6個飯盒，佢地啱啱好夠食，唔駛浪費(佢係唔係痴線架，無情情改左人地張訂單，重可以係到讚自己做得對)跟住我再問校長，咁個家長都奇怪wor，佢明明俾6盒飯盒錢，見到飯盒通告時只得6盒，又唔出聲。(心諗係咪個家長都貪心呢!)校長話個家長有問個佢呢數(旅行費+飯盒)唔知計得啱唔啱，校長話會幫佢計。原來個問題由此至終都係校長搞出黎，人地唔知重會以為係老師做錯野，太過份了，無情情食左隻死貓。
而家咁體會到d同事成日講呢個校長係無能，而家終於明曬啦!佢一d都唔「坐其位謀其事」lor，對呢個校長真係好失望。
原來小肥羊打邊爐都唔係好貴，$146都幾平，同任飲任食果d都應差不多。
9點幾食完，行路回家。