車天車地 一個有好多回憶既地方!!!

106愛的鼓勵 0訂閱站台

31-12-05(六)早上返工，放12:30，坐6A小巴係海港城下車，然後行去海運會合TERESA食午餐，Phoebe點幾先到，食到2:45就走了，行LCX，本來見到Osim Show，Sell緊個條UZap，好耐之前(大概十一月頭)，PHOEBE同我講過佢有個同學買了，都有用，所以那時我同PHOEBE都想買，但後來不了了之，今日見到RoadShow有得試，Phoebe叫我試下，咁咪去試下LOR，用完後覺得部機好大部有D阻‘訂’，但買UZap就可以半價買iPamper，Phoebe話想買iPamper，所以叫我買Uzap，其實我自己對iPamper都有興趣(因為半價)，於是我問sales我唔可以買一條Uzap，買2部iPamper (即使sales話冇會員咭就冇95折，都爭成65元)，如果sales話得，我都會買，但佢話唔得，那Phoebe叫我自己買曬，佢唔要都ok，但其實我係心大心細諗緊好唔好買條Uzap，既然我心中的package，sales話唔得，那我就決定不買了，可以慳番筆。

繼續行海港城，既然行到去Osim的門巿部，Phoebe又叫我行過去睇下，於是我就問sales，冇會員咭在手，只講號碼可以嗎?佢話得，其實呢刻我已經心動想買了，我再問佢買一條Uzap，買2部iPamper可以嗎?佢考慮左一陣，話可以同我夾人地張單，但其中一部iPamper就要俾現金，重話呢俾事千萬不要對人說。既然佢能符合我的要求，所以我就買了買一條Uzap，買1部iPamper，Phoebe也要了一部iPamper。
就係咁用左接近2000蚊，算啦!成個冬天都冇乜點用過錢。

同Phoebe坐7號巴士回教會，今日團契，家媛用換棋的方式重溫今年的團契活動，都幾好玩呀，最得意就係自己隨身找樣物件做棋，如果我有帶我條鱷魚鎖匙扣就可以用，但冇帶，所以我想拿Ekin張相做棋，但最後都沒有，只用了一包糖代替。

團契後，一齊食聚餐，聚餐前，我同Phoebe去了旺角買碟，買了50隻有蟹圖案的碟，好得意架，但一想到今日已買了兩部機已拿回家，再加埋呢50隻碟，會好重，所以決定先放在團契櫃先。

買完後，Phoebe話去MTR取錢，但後來來電話MTR好多人，不上地面了，佢話佢答MTR回Church，所以我就行油麻地MTR出口等她，結果等了她許久，她才來。

返到聚餐時，佢地祈緊禱，我地入了圖書館到等，順便放低D碟，由於午餐吃得太飽，所以聚餐都冇乜點吃，在抽獎環節，我地團契今次比起50週年聚餐那次，好運得多了，50週年得1個人抽到，今次就多過5個人抽中，當中包括我同Phoebe。

聚餐後，上聖堂等年更崇拜，聽人地分享，更年係李鼎新最後一年係安素過除夕，因他06年會退休，所以年更崇拜後，有一齊影相(出席的所有人)，但係次次一齊影完D相，都總係見唔到的。

崇拜後，提團去鵝記食糖水，由於我地太多人，所以分了男仔一圍，女仔一圍。食完後，我同Mand、阿魚、偉仔一齊坐的士回家，佢地係衛理道放低我。

回家後，即刻試用Osim個兩樣野，都幾好玩。