24h購物| | PChome| 登入
2004-08-30 23:31:01| 人氣43| 回應0 | 上一篇 | 下一篇

難過亦要經過

推薦 0 收藏 0 轉貼0 訂閱站台

18-8-04(三)經過一晚的煎熬，一路坐車去慈雲山返工時，係度想會調去慈樂、香港仔定係藍田呢?呢個謎底，今日應會解開。

坐校車時，停培哥講，話出年既校車合約好似俾呢一間公司取了，9月不會再跟我地既校車，做關呢條線，要轉都第二條線都好突然。

我心想:9月時我都要轉園，但主任未同我講，所以我都冇同佢透露，唉...日會變、月會圓，冇野係會唔變，只有神的愛才是永恆。

回到園時，面對每一個人都很奇怪，明未知佢已經知道了我將調園的事，諗緊佢地第一句說話會同我講D乜。

其後都有與同事傾到調園的事，都問緊佢地收唔收到風邊間園要人。

整個早上，都係到等緊主任，睇佢幾時叫我入主任室，同我調園的事，但一直都冇。LUNCH時，阿卿同我講話如果係調，調去紅磡或九龍城，會九龍城好調，雖然多野做，辛苦，但勝在夠齊心。

1:40開會，主任係開會前叫了我入主任室，同我講話有D野想係大家開會前同我講一聲，以免大家都知道，而只有當事人不知道。佢指位日曆，話係16/8早上收到上頭通知，話我將會調去九龍城幼兒園，聽到係九龍城，都鬆了一口氣，起碼俾我當初諗的任何一間園都近，加上聽完阿卿讚九龍城的說話，對這個結局都算係不幸中既大幸，但也有另一個想法，(走係死，唔走又係死)，走去間咁勁既園，會好辛苦，留係到又係會好多野做...所以呢...唉...

開會前，同其他同事講左聲話我將會調去九龍城，阿卿都放心左，也替我開心，因呢間園OK。

開會時，我係今個月既會議記錄，但完全唔在意內容係乜，因我都走了，一切既事都唔到我去理了，開會期間，阿蒙、阿梁、阿姚係到哭，我都係到忍緊，但都流了幾滴眼淚。

開會後，係厠所，阿清同我講話阿蒙唔捨得我係度喊，能夠係到與同事有這麼好的關係，苦伏何求!

D仔起身時，主任入來課室問我放工趕唔趕住走，我話趕，因我預計未來既一、二個星期，我一定好趕咁去完成曬D文件，冇可能再早走了，加上今天咁既心情，我絶對唔想留低。

同D仔起身梳頭後，阿蒙同我講話我調了園後，將來可以一齊約時間去旅行，好主意!

放工後，同阿梁一齊坐小巴走，阿梁都唔捨得我走，我都係，因為係呢一年內同大家既關係熟絡了，唔捨得走。

係商場租了兩套影碟看，我要休息，唔想做園野。

今日父母同阿鸞姨一齊返了中山，佢地都有打電話來慰問我，我都冇乜野，只係非常唔捨得。

我要檢舉
台長： 車人

您可能對以下文章有興趣

人氣(43) | 回應(0)| 推薦 (0)| 收藏 (0)| 轉寄
全站分類: 心情日記(隨筆、日記、心情手札)

我要回應
否 是 (若未登入"個人新聞台帳號"則看不到回覆唷!)
* 請輸入識別碼：
請輸入圖片中算式的結果(可能為0) 
(有*為必填)
TOP
詳全文