車天車地 一個有好多回憶既地方!!!

106愛的鼓勵 0訂閱站台

17-5-04(一)又係一個人放工去游水，游完後去了兒童池到休息，並挨了係條鯨魚隔來，成個池係得我一個，後來聽到有人經過話有美女與鯨魚，及後我再望下我挨既動物，莫非係話緊我，真係好鬼開心架，可能係水入面遮掩了我肥胖既身材，為達到你們所講既美女與鯨魚，我真係要積極d keep fit先得。

18-5-04(二)放工先去和民取位，由6:00等到6:40先見phoebe來，一個人坐了咁耐都有d唔好意思，冇計啦又怕遲d冇位，本來話就話約6:30，點知shirley6:30先覆我電話話剛(胃)完浩賢飲奶，而家先出來，唔係呀...

好彩佢地係坐的士出來，都幾快，浩賢又大個仔左，好可愛架，可惜佢怕黑，一直係到扭計，跟住佢地叫佢地既爺爺嫲嫲接走佢，原來帶BB出街都好麻煩，睇佢地兩公婆大家要輪流食野就知。

食完和民一陣，大家都唔係飽，我地再去淘大食另一間日本野，都幾好味，我再係百老滙用恒生信用咭過$100既收據換擦擦咭，換四張，既有兩張中戲票，共得戲票4張，大大話話之前換過7,8張擦擦咭都冇得中，今次一中中兩張，真開心!

19-5-04(三)調班返9:30，收7:00，去藍田同evelyn食飯，以前的補習學生，係滙景商場又買了衫，行左一陣街先上去佢屋企食飯，一上佢屋企，見到一個女仔，我以為係evelyn重問佢你隻眼重乜呀，因為佢好冇神，好大眼圈，點解evelyn羞樣左咁多，呢d唔出得街既說話緊係唔講啦，點知原來係我認錯人，那個是她的同學，我真係好(囉)識左人4年都認錯人，其實我又點會估到佢會有個同學仔係佢屋企，所以即將會一齊食飯tim。

evelyn媽媽同我講話想搵番我補習，我話未必得，跟住佢話係同細老補，咁都可以想下，似終一個一年班，同中三係爭太遠。

飯後同細老睇功課，哎呀，點解一年班都咁多野做架，我都冇乜心機同佢睇功課和溫書，可能自己都好累。恐怕要補習都係不行，何況我9月有可能要讀書添。

evelyn同學成9點幾先走，跟住我同evelyn傾計傾到接近11點先走，好多謝evelyn信我同我傾咁耐計，希望我能幫到佢啦，佢媽媽請我來食飯，無非都係想我同佢個女傾下計，睇住佢由妹妹仔到大過，都概歎自己老，點知呢個15歲既妹妹仔都話覺得自己老，我真係敗給她。

回到家成12:00

20-4-04(四)成個禮拜，終有一天能早d回家，冇出街，後同爸媽出麗斯食飯。

21-4-04(五)今晚去poly靈修，6點幾去到TST，又去了嘉連威老道買衫，跟住行番去poly會合佢地，係過其中一個馬路時，紅燈閃閃下，我快步過了馬路，係尾隨我既兩個女仔，有一個唔小心滑到，重係地上轉了一個圈，好彩架車未冇，冇撞到佢，我個刻想問佢要唔要膠布，但冇開到口，因為我都以為佢冇野，係我準備過另一個斑馬線時，見到有一對情侶，個女仔問個男仔，駛唔駛幫下佢地，我轉頭一看先知那個女仔唔係好行到，見有人幫佢地，我就走了，但事後一路問自己，點解目已唔好幫人，重然我未必幫到手，後到將呢件事同teresa、浩堅、勝分享，teresa且我講，佢試過係條街受傷，佢個刻最想係有人慰問下佢，我明白我下次會點做了。

同teresa、浩堅、勝、vico係新canteen食飯後，一齊去靈修，後雯雯join我地。