車天車地 一個有好多回憶既地方!!!

106愛的鼓勵 0訂閱站台

6-5-04(四)係慈雲山收工，跟住坐116去銅鑼灣，同爸媽姨和表妹一齊食和民，當預早慶祝母親節，我同表妹夾份。食完後，姨去了打牌，我同爸媽表妹再一齊去發記食糖水，跟住回家。

PS.終於知道我唱歌那把小朋友聲的用處，就係今日同班仔一齊錄音時，佢地唔係好識唱，所以我用埋我把聲同佢地一齊唱，外人一定估唔到，那把咁小朋友既聲就係我來的。

7-5-04(五)今晚爸媽去了香港仔食飯，我冇去，因太累太累了，我回了家，唔之點解近來都幾喜歡飲茶，所以係萬靈到買左一盒助助瘦身茶(薰衣草味)和加$10換了一個茶壺(可以方便用來沖家中的茶葉)，但助助瘦身茶(薰衣草味)一d都唔係好飲，唔鐘意個隻味。

8-5-04(六)一早7:20掛黑雨，本應我是拿幼兒園緊急鎖匙的人，要8:00前返到，但我都成7:30先起身，因本來我是返8:45，平日只會早一個小時才上班，打俾阿蒙知道她能趕得切返8:00，那我就不用趕了，主任7:50打電話叫我返8:00，我話阿蒙會趕得切，佢就叫我唔駛咁趕，於是8:30左右才回到園，很難得地一個仔都冇返，話曬就算舊sars個陣，都未試過會冇人返學，以為今日會破記錄，但接近9:00時，竟有一個仔回來上學，但他的弟弟冇返，她媽媽說由於兩兄弟在家會糟住爸爸睡覺，所以細佬唔返，大哥(桂源)回來，結果我地要有一個老師專門看住佢一個早上，真是慘，如果主任冇返，或許我們就可以有更好的安排。

一個早上，我就係到(吸印)吸左未來幾個月功課的字頭。

下午3-5佈導會，有話劇看。

佈導會後，5:30-6:30camp 籌委開會，6:30-7:00左右 cell開會。

之後我會合PHOEBE去食女人街既西門丁，後雯雯同浩堅join我地，成個食飯過程中，最好笑，莫過於浩堅的一句話，當時冷氣太大，佢就係到講D雞毛起曬皮，下???點解你會有雞毛??莫非你係雞年出世，D毛就會係雞毛。哈哈哈!!!晚飯後，本來話陪PHOEBE行街買母親節禮物，結果反而是我去了買衫。

9-5-04(日)返完午堂後，同瑩瑩去了做facial，跟住係此創到食越南野(tea)，then行了一陣聯合，就會合PHOEBE行街，是關佢要買母親節禮物，結果去到新世紀廣場，PHOEBE去了買泳衣，試左好左衫，到最後關頭，佢就係shiseido買了唇膏給她的媽媽。

後各自回家，返到屋企後，同屋企人去了麗斯食dinner，同哥哥夾份，跟住同爸爸哥哥係黃金樂園到玩game，都幾開心架，我都未試過同哥哥一齊係類似冒險樂園既地方到玩。