車天車地 一個有好多回憶既地方!!!

106愛的鼓勵 0訂閱站台

12-1-04(星期一)放工回家後，阿爸又放假，係愛民既一間酒樓打邊爐。每位數$38，點知我呀爸叫了幾罐汔水，到埋單先知係$12蚊罐，參不多等於多一個人既錢，心痛死我。

13-1-04(星期二)第一次開堂區會，有好同伴Mandy陪我，個會由7點幾開到10點幾，但我又不覺得悶，起碼冇訓著，亦覺得佢地開會好有趣。我同Mandy重講左話會入和聲幫手。

14-1-04(星期三)返9:30，放7:00，本來打算回家，但放工時打俾phoebe，佢話同雯雯去行街、食飯，我見今日著得唔差所以join埋，去了元祿食野，雯雯有優惠券，食$50平$20，好抵呀，跟著去了行街，我地幾個都有係ANNA SUI買野，我買了一個橙+黃+綠既眼影，好靚架!!!

15-1-04(星期四)慈雲山收工，去了小食館食小食，跟住行花園街，同買了D冷，7點幾上了BONJOUR，等到8點半做FACIAL，做到9點9，跟住會合Shirley，重見到Ho Sir，Joyce、黃潤桃、阿薛、劉美櫻tim，除了劉美櫻，個個都有變。Judy係夜晚去了QE 急症室.佢要等2-3個鐘才有報告，咁我就10點9到去到QE找她，見到佢同阿勝既痴情樣，真有點...滴汗，11點幾我就走了，回家去

16-1-04(星期五)今日返工著得ok，重有家長讚我今日好靚^.^...慈雲山收工，先坐3c去旺角，再坐香港仔小巴去到香港仔巿中心，跟著坐小巴去到田灣村食團年飯。

17-1-04(星期六))慈雲山收工，同Phoebe一齊坐車返教會，晚餐後，同雯雯、坤、浩堅、vico一齊行去尖沙咀，因要陪阿坤買Eye Gel，9點幾散，我再行陣家先回家。

18-1-04(星期日)今日午堂我第一次鳴鐘，好開心呀!我打了18下鐘，崇拜同phoebe、浩堅、俊傑一同見証jason同保民既決志。跟住同phoebe、鵬、jason、保民一齊食午餐、grace遲來。

下午下兩，本想回家，但Phoebe又唔知今晚要唔要表演，所以我同佢、雯雯、浩堅、VICO就一齊坐的士去了行海運，後Phoebe收到電話知道不用表演。

我係海運既FACESSS撞到以前係IVE教我CY，既Miss Han，重見到佢既女同仔，但就見唔到佢老公個樣，Vico話我見完個Miss係面紅，我話佢靚女lor，但佢個女同仔就得不到佢既真傳，可能細個唔靚，大過先靚!Vico又話我地D對話有D'罕'

Miss Han：行街呀

我：係呀

Miss Han：大家咁話

唸落都真係幾罕，但係我見到佢個時，真係開心架!縱使我唸佢應該唔記得我係乜水!!

PS.呢個星期D野做得七七八八，所以唔趕，重好有HOLIDAY MOOD TIM
PS.呢個Weekend我真係好開心架!!!