30-09-06
聽日就係國慶，亦係EHCCS開幕一週年紀念，本來係值得開心0既，但係新年度一開始就有幾個同事話走，有兩個要去讀書，其他0既就冇交代原因，anyway同事有更好0既發展，都係好事0黎0既……
於是今日放0左工之後，同十幾個同事去0左卡啦OK玩，當係同同事farewell、慶祝EHCCS一週年同埋國慶。
今晚節目分開0左兩部份，首先係正經唱歌部份，因為有唔少同事平時玩得冇咁放0既，只係0黎唱歌，不過佢0地都好活躍，點歌個list上面，有唔少係佢0地點0既懷舊歌曲。Kamen今次冇傷風感冒，以100%歌喉出擊，未聽過佢唱歌0既同事梗係為佢0既歌藝而嘩然，就連我，都覺得呢d歌聲完全唔似一個業餘0既人有0既。我同同事講，我從未試過聽完人唱歌會覺得驚，係好聽到驚。
第二部份就係猜枚，由阿Sue教我0地猜一隻動作枚，方法好簡單，首先搵個人做個動作，跟住每個人伸出一隻手，輪流去叫枚，叫中0既話所有人都要做之前準備0既動作，但係叫果個就唔駛做，如果佢做0左就算輸，做得最慢果個又算輸，如果個個都做得快同做得到，叫中0既人有權決定邊個輸、或者係冇人輸，輸0左果個又要諗個動作俾大家做，同埋飲酒就係指定動作啦。據聞上次我0地team個輝仔就係因為玩呢個枚而飲醉0左……
今晚有六個人玩，未玩過0既凈係諗動作都諗到頭爆，阿Sue就最多鬼主意，一時就企晌身扮「自摸奶奶」、一時就托胸、一時就對住左手邊果個舉中指……搞到大家笑到停唔到；阿四同阿影反應最快，成日自己叫中0左都做埋一份；羅生間中都會反應快，主要係做d咸濕動作0既時候；阿萍每次諗動作都諗好耐，最後佢都係放棄，用平時教client做運動0既動作就算數；我開頭都成日輸，不過習慣0左就好d。
成晚都飲0左唔少啤酒，但係都未醉，可以一個返屋企之餘，仲可以撐到叫醒女朋友起身返工。有時我都想問自己點解可以咁好0野，飲極都唔醉，最多只係暈暈0地。我好想試0下醉0左係咩滋味呀~~~
文章定位：
