28-09-06
自從我背棄自己0既原則：「必須先進行評估才做ICP」後，做ICP 0既速度奇高，上個星期已經完成0左手上積壓0既工作，可以開始準備社署巡查，同plan未來0既工作，不過今日發生0左d事，對我0既工作都可算係一個反思。
話說上兩個星期，同事準備搞生日會，叫我幫手諗個遊戲，咁我諗0左、教埋佢0地點玩、仲幫佢寫埋個game個玩法落proposal度，諗住都仁至義盡0架啦。點知今日俾同事擺0左上檯，捉0左我出去個生日會度帶game不特止，仲要我帶晒成個生日會。結果晌完全冇準備0既情況下，個生日會毫無氣氛可言。
個同事晌事先冇知會我0既情況之下，要我去帶個生日會，佢咁做當然有問題，不過我自己都有問題：冇理由會搞得咁差0架？雖說0黎0左呢個center做0左十個月，前線工作真係少0左，難道咁快就退步？
結果，我開始諗返由入讀social work到而家，六年0黎0既學習同工作生活。
過去果六年，三年讀書三年工作，讀書0既三年固然非常有趣，因為每日學0既0野以前都未接觸過，尤其係第一年讀心理學、社會學呢d基本理論，雖然只係一個基磋，但係對日後分析一個人0既需要時幫助好大，到而家我同朋友吹水0既時候，都會拎呢d理論出0黎用0下。而實習亦係一個好好0既機會將學到0既0野實踐出0黎，PolyU出名講實務，實習就係一個最好0既例証。
出0黎做0野，可以分三個階段：長者中心、安老院同而家0既EHCCS。晌長者中心，我0既工作出要係帶小組同搞活動，呢個時候累積0既係好多活動時要有0既遊戲，同埋唔怕醜放膽玩0既態度，如果連工作員自己都唔投入，點樣可以帶動到氣氛呢？
晌安老院舍，主要0既工作只係保持間院0既日常運作，冇咩特別0既0野學到，勉強要講0既，就真係累積到一對一面談0既經驗，因為院舍發生最多0既院友間0既爭執，每次發生0既時候都要各自面談一次，藉似知道事件0既來龍去脈，同埋安撫爭執相方0既情緒。
至於0黎到EHCCS，學到0既0野真係好多，因為EHCCS係介乎長者中心同安老院舍中間，加埋日間中心0既工作，令到我做0既0野更全面：要策劃、帶領活動同小組、做case、輔導、行政同文件上0既工作，加埋而家做埋EHCCS負責人，要做部份0既決策工作。EHCCS呢十個月，令我都覺得自己成長0左唔少。
正正因為要繼續成長，所以最緊對知識都好渴求，例如早幾日我就做0左件好壯觀0既事：我竟然出0左去中央圖書館借書！除0左睇書，我亦報0左唔少training course，例如係音樂治療、戲劇治療，0黎緊仲會去上遊戲治療；除0左唔同0既治療之外，我亦開始去打造一套方便自己使用0既輔導程序，因為我諗返過去做case同counseling，都係冇咩特別0既治療目標同方向，好多時都只係俾client去宣洩情緒，過後問題仍然存在，當然呢個都係同我自信不足有關，我好驚開0左個頭唔識收科、又驚自己要兼顧其他工作而少0左時間去做持續0既counseling。但而家我發覺好多有利條件俾我去開展我0既輔導甚至護老者工作(例如手上工作清理得七七八八，可以騰出時間、client面對0既問題唔係Nurse、PT同OT可以處理得到、上司們放心俾我去進行我0既工作計劃等)，就應該好好把握機會，去實踐自己0既理念，除0左對client有幫助，自己都可以進一步提升實力、累積經驗。
企晌「過去」同「未來」0既交叉點，回顧完、亦都展望完，係時候keep住呢個心情，向前進發啦！
文章定位：
