《我佇黃昏的水邊等你》臺語詩集由國藝會2017年創作補助。
創作之初是希望以詩帶路，吸引對臺語有興趣的人入門。詩集的內容大都以嘉南平原的風景入詩，如《春天行到八掌溪》、《田水等雲來照鏡》、《割稻仔敬天》，部分短詩描寫台灣的野草花，如《見笑草》、《刺查某》、《烏子仔菜》，有的是生命的體悟，如《佮死神行棋》、《老梅開新花》、《坐看雲》。
本詩集用教育部頒定的字，但是最大的困擾是很多人已經看慣臺語歌的代用字，不知道正確字的發音。所以這本詩集邀請嘉義當地的臺文老師錄音，部分加上嘉義歌手陳書瑋的音樂做背景，把QR code印在書裏面，讓購買書的人用掃描連結到網路就可以聽到語音檔，書中並附錄作曲家賴品真老師的曲譜，可以讓臺語老師當作兒歌教學，也可以讓有興趣的人傳唱。
《我佇黃昏的水邊等你》這本詩集從詩文創作到校對、朗讀、錄音、插圖、封面設計，全部是嘉義地區的朋友合作，也是值得一記的事。
本書特色
《我佇黃昏的水邊等你》創作之初是希望以詩帶路，吸引對臺語有興趣的人入門。創作的同時也做了幾場小型發表會，得到許多人的喜愛。有幾首成為作曲家賴品真帶領的合唱團教唱曲。
詩集的內容大都以嘉南平原的風景入詩，如《春天行到八掌溪》、《田水等雲來照鏡》、《割稻仔敬天》，部分短詩描寫台灣的野草花，如《見笑草》、《刺查某》、《烏子仔菜》，有的是生命的體悟，如《佮死神行棋》、《老梅開新花》、《坐看雲》。
文字創作時，要求自己都能用教育部頒定的字，但是最大的困擾是很多人已經看慣臺語歌的代用字，不知道正確字的發音。最終我決定將這本詩集變成有聲書，邀請嘉義當地的臺文老師錄音，部分加上嘉義歌手陳書瑋的音樂做背景，把QR code印在書裏面，讓購買書的人用掃描連結到網路就可以聽到語音檔，書中並附錄作曲家賴品真老師的曲譜，可以讓臺語老師當作兒歌教學，也可以讓有興趣的人傳唱。
這樣的設計當然會增加許多成本，但是這是第一次結合嘉義當地熱心推動臺語的一群人的集體創作，彌足珍貴。
《我佇黃昏的水邊等你》這本詩集從詩文創作倒校對、朗讀、錄音、插圖、封面設計，全部是嘉義地區的朋友合作，也是值得一記的事。
作者介紹
作者簡介
顧德莎
自由作家
曾獲聯合報文學獎極短篇評審獎、新北市文學獎第三名（小說組）
桃城文學獎第二名（散文組）、全球華文星雲文學獎（散文組）
2017年台中文學獎台語詩首獎
台北市文學年金小說創作
國藝會散文創作補助、國藝會台語詩創作補助
2016年出版詩集《時間密碼》
2018年出版小說《驟雨之島》
2018年9月日本文學雜誌【STUDIO VOICE】 413期翻譯《梔子花》短篇小說
2019年4月出版《說吧。記憶》
序
推薦序
用媠氣的台語寫出詩的春天──讀顧德莎台語詩集《我佇黃昏的水邊等你》
顧德莎開始用台語寫詩，是這兩三年的代誌。照伊的講法，伊自細漢就蹛佇台語生猛的菜市仔邊，讀小學三年了後搬去眷村蹛，改用華語腔口講話，一直到出社會來台北做工課，才因為去卡拉OK唱歌的關係，發現台語的媠氣，行轉來學習台語文的路頭。到了2015年，伊參加「梅山文學營」，受著路寒袖、林沉默的指導，寫出第一篇作品〈返鄉〉；2016年，伊佮朋友共組「台文讀冊會」，認真唸讀林央敏的詩集《胭脂淚》、小說《菩提相思經》，那讀那唸，那來那對台語寫作有趣味，嘛按呢開始認真台語詩的創作。
雖然寫作的時間無長，毋過顧德莎的台語詩卻是真幼路，真有看頭。這本《我佇黃昏的水邊等你》就是伊兩三冬來創作成果的總展現，佇這本詩集內底，伊寫花草、寫感情、寫病疼、寫土地、寫眾生，透過無相仝的角度，用詩的語言描寫伊的感觸、伊的心情，遮的詩篇總數有九十外首，可見伊創作誠勤，才情誠懸，才有法度寫出遮爾濟好作品。
顧德莎的台語詩，參濟濟台語詩人無仝的，是伊誠愛「拈花惹草」。這本詩集內底寫花的詩作，自頭到尾有袂少篇，「輯一」攏寫花草，「輯四」嘛攏是花，另外每輯嘛濟少會當看著花的形影。這是顧德莎詩篇的特色之一，自來台語詩人多數用現實主義的技巧表現社會真實，像伊按呢愛花、看花、寫花的詩人無濟，像伊按呢共每伊蕊花的色水攏表現出來的詩嘛無濟。就像〈花開的聲音〉這首詩寫的：
每一蕊花攏有伊的色水
每一種色水，攏是春天
等下一陣風來
攑頭，徛出來
伊將各種花寫落去詩內底，毌管普通抑奇巧，見笑草、刺查某、蓬鬆花、油桐花、燭仔花、將軍棉、七里香、瓊花……，攏寫出無仝的色水佮姿勢，予人讀著心適、快活，嘛會鼻著花的芳味，看著台語詩的春天。
因為受著台語流行歌詞的啟示，加上顧德莎這三年來全心唸讀台語作品的關係，對台語聲調變化的體會愈深，對音樂性的把握愈強，伊有誠濟詩宛然是歌，誠適合唸讀，嘛會當譜曲做歌。紲手舉這首〈無言花〉做例：
將欲寫的批，掛佇樹椏
一萬字會使編做幾首詩？
幾首詩會使代替
無寫出來的字？
寫佇樹頂的字
會恬恬飛落塗跤
有人看過
無人讀過
仝款葬做伙
一堆字的屍體
花佇樹頂唌人目
花落樹跤隨人踢
自頭至尾
無聲無說
這首詩押韻誠自然，換韻誠媠氣，「批」(phue)、「椏」(ue)、「替」(thuè)、「過」(kuè)、「伙」(hué)「尾」(bué)、「說」(sueh)，攏壓「ue」的主韻，「體」(thé) 精差無偌濟，整體唸出來有輕聲細說的感覺佮情境；主韻中間安插次韻，「字」(jī)佮「詩」(si)用「i」韻，「目」(ba̍k)佮「踢」(that)用近倚的「a」韻，互相交插、應聲，成做一篇動人的歌詩。這是顧德莎佇這本詩集內底用情用心上濟的所在，這類的詩有袂少，親像〈蓬鬆花〉、〈看雲〉、〈讀詩〉、〈寫蹛水邊的批〉、〈落落水面的花〉、〈燭仔花〉、〈花開的聲音〉、〈水照花影〉……等等攏是佳篇。
寫花、寫雲、寫詩以外，顧德莎嘛寫病疼佮人生世事。〈佮死神行棋〉有兩篇，一篇用「圍棋」來比喻佇陰陽對決崁站的病人無依偎的疼，一篇用「象棋」來比喻病中想盡辦法共死神車拚的意志。兩篇相對照，會予你看著詩人參破生死的生命觀點。〈浮塵眾生〉寫伊踮病房看落雨天的窗仔外的覺悟，窗外窗內攏是「勞苦」，親像「一粒浮塵 暫歇/ 往東往西 等神決定」，詩的尾段「向望浮塵/ 會使起身/ 回轉大地/ 完成一生」，寫出看破生死無常的哲理。閣較深刻的，是這首〈好日子〉：
你問我最近好無？
無畫圖讀冊
每工食飯啉茶
佇窗內看雲搬戲
無想將來，過去
時常一个人
綴一蕊雲
佇山路踅來踅去
雲軁過竹葉
向海的方向飛去
我的路彎彎斡斡
袂記得終點佇佗位
我誠好，免掛意
每工攏是好日子
看雲
聽雨
等暗暝
這是參破病疼，對人生徹底開破之詩。「每工食飯啉茶/ 佇窗內看雲搬戲/ 無想將來，過去」是一款看破生死、自得其樂的生命態度；「雲軁過竹葉/ 向海的方向飛去/ 我的路彎彎斡斡/ 袂記得終點佇佗位」，有王維「行到水窮處，坐看雲起時」，對應人生彎斡，無所驚惶的開闊；尾句「看雲/ 聽雨/ 等暗暝」特別精彩，人生的路途行到遮，已經是順其自然、順天應命的代誌。
誠歡喜會當代先拜讀顧德莎的這本詩集。我和伊初見，是佇台北齊東詩舍，2014年中秋前一工，彼工有我的新詩講座，每禮拜一擺，前後四禮拜，伊總是按時來聽，我講新詩內底的台灣想像、講詩的四个特性，毋知對伊後來寫詩有幫贊無？總是後來就看著伊寫的台語詩作，愈寫愈猛，便寫便好。伊的台語詩集《我佇黃昏的水邊等你》得著國藝會的獎助，會使得出版，這是誠無簡單的代誌，我讀伊的近百首的詩，感覺會著伊對台語詩的深情，伊的詩毋但是講究台語用字、用詞，而且注重詩的語言、技巧參情境。這本詩集親像開佇台灣土地面頂的花蕊，用媠氣的台語寫出詩的春天。
〈我佇黃昏的水邊等你〉
我佇水邊等你
佇黃昏的水邊
等你自東向西
盤山過嶺
跤跡一步一步行向大海
你一分一寸暗落去
惜別的話含佇喙內
毋敢講
只好伸手
一筆一劃借水寫字
水鴨對草裡泅出
啄破安慰的話語
阮冷冷看雲滿面含笑意
請風寄詩
寫字不如送胭脂
台江泮的黃昏日頭照水金爍爍，親像佇水面寫字，黃昏時，天頂紅霞變化萬千，親像替水埤抹胭脂。
〈寫蹛水邊的批〉
用雨水寫批
思念佇烏陰天湠生
一步一寸
愈湠愈遠
攑頭，看
天邊的雲
五彩變化
焐燒潭水冰冷的表情
日月有(iú)信
逐工來水岸
風雲有(ū)情
早暗來作伴
遠行的人
攏無寄話
湠生的青苔有淺淺
淺淺的根
毋敢寫傷深的
怨恨
〈鰲鼓濕地〉
甘願做濕地
毋願做大海
留一點仔土地予雁鴨仔孵卵
留一片五梨跤予暗光鳥歇睏
留一排欖李予白翎鷥做眠床
海茄冬開花結子
會綴水徙位
水筆仔袂曉寫字
干單會曉照鏡
海水甘願做鏡
予樹仔袂孤單
〈用茶交陪〉
啉茶
啉一喙茶
啉一甌春天的茶
啉一壺山的青翠
啉一陣雲霧的清甜
免問火氣
免問地理
免問偌濟錢
這甌茶
是天地賞賜
燒熱寒冷有順時
是透早透暝做茶的汗水
請啉茶
啉落喉等回甘
就會知影
阮是用茶佮恁誠意交陪
〈落葉的願望〉
所有向天的樹葉
攏向望落落土跤
回歸大地，化作春泥
做新穎的肥底
阮是無法度沈落塗的
葉子，只有予日頭曬焦
了後，化作灰
一生消煞
只賰微微仔的怨嘆
阮只好向望
予鳥隻咬去做岫
按呢嘛倚著一個家
看鳥仔囡出世
看母鳥飼嬰(enn)
文章定位：
