又一星期喇~等我又寫返我既週記喇~哈哈
星期六～起身之後係屋企執屋，因為聽日我班ｄ朋友仔上黎我屋企整野～費事屋企成個垃圾崗咁啦～執左大半日～阿文放工黎大埔同我食飯同埋行左一陣街～
之後就返屋企～全日都冇咩特別丫～
星期日～約左班同學仔１２點係深水埗等～齊人之後就去買珠仔～買黎整裝飾～買完野之後就１０個人一齊搭小巴去大埔喇～黎到我屋企整野～起初大家都好認真做～當整到差唔多～就有人炒野食～搞到我要洗廚房～如果唔洗俾我阿媽見到咁ｄｉｒｔｙ我實死～
之後整到６點都差唔多搞掂晒～我班同學仔就係度玩肥仔同瘦鬼～兩隻野差ｄ俾人玩死～＞＿＜陰公～
執好晒野之後佢地係ｍ記等我一齊食飯～原先今日約左文食飯～點知我地ｄ時間好唔夾～搞到去唔到～講真～有ｄ唔開心～！好彩我班同學仔陪我食～我地去左大中珊瑚堡食～全程我就不停咁俾人取笑～但我自己又笑到肚痛～我地Ｄ笑聲嚇到隔離枱都走埋～搞笑～返到屋企好嬲文～唔聽佢電話～等到１２點個陣我先肯聽電話～點知原來係我冇聽佢電話既時候佢ＳＥＮＤ左個好ＨＵＲＴ既ＭＳＧ俾我～傾緊個陣睇到喊左出黎～不過好彩我聽左個電話ＪＥ～如果唔係我諗我同佢分左手ＬＵ～
星期一～主題宴喇～呢個全個學期既大日子終於黎臨喇～我８點半返到去～首先我地先將場地佈置好～整到１０點幾就開始ＳＥＴ枱～１１點半就ＢＲＩＥＦＩＮＧ～全程都好算順利～等到１２點半開始有客黎到～我心情勁緊張～超大壓力～勁驚出錯～仲要有枱客係ＶＩＰ～更加唔可以有錯～好彩最終都好成功～問Ｄ客既意見大部份都係讚～終於鬆一口氣喇～但臨尾差ｄ喊左出黎～真係好大壓力啊～
～初初開始做呢個主題宴～各同學都好唔上心～我個陣真係勁驚搞唔成～當開始正式傾既時候～又有勁多不愉快事件發生～講真～個陣真係對呢班同學仔有Ｄ失望～我仲有Ｄ想放棄唔做～好彩到剩返最後既幾日～各個同學都好認真投入去做～大家都想做好件事～我諗最後唔係大家都係團結去做～我地呢次一定失敗～雖然今次合作既過程好似有Ｄ唔愉快～我知我亦令到有人不滿我～但起碼係今次合作中可以睇到大家真正既性格～唔多唔少都令每個人成長左～學識以大局為重～可能我一認真投入上黎會令到人好唔知點～如果我真係令到任何人唔開心過既話～我想講聲ＳＯＲＲＹ～～~^^~點都好啦～一切都完成左喇～特別ｔｈａｎｋｓ ｋｙｌｉｅ～
星期二～我返到學校冇去上堂～去左ＣＩＬＬ～到２點半先去上堂～落堂之後去左圖書館溫書～到５點半文放工～同文係旺角會合之後就等埋佢朋友一齊去尖咀食飯～佢兩個朋友仲帶埋ＢＢ女出黎食飯～好得意啊個ＢＢ～我就係咁同ＢＢ女玩～食飯個陣ＢＢ女訓左～搞到我冇得玩添～唯有乖乖地坐低聽文同佢朋友傾計～間唔中搭一兩句咀咁啦～哈～食完飯就返屋企ＬＵ～
星期三～我諗住上星期咁晏返電腦堂覺得自己好衰～咪諗住今日搭早兩班車返～點知塞車～返到去比上星期仲晏左．．搞笑～之後上英文ＴＥＳＴ～唔識～
上完英文就走ＬＵ～文黎接我去食野～我地去左酒樓飲下午茶～食左勁多野～之後去溫書～返到屋企～好唔開心～芷飲醉左打俾我～我勁擔心佢～又唔知點做～又溫唔到書～打俾文～文又唔安慰我反而話我～搞到勁唔開心～係咁喊～到左一點半我先訓得著～
星期四～好早起身～因為要溫書～考會考中文～
好驚～溫得熟既得６課～都唔知點考試～唔理喇～
死就死～去左試場～撞到佩琳同莎仲有阿欣ＢＩＧＧＥＲ～我今年考終於冇唔舒服喇～可能今件冇上年咁驚咁大壓力啦～成份卷我都老吹出黎～早知連溫書Ｄ時間都慳返啦～考完返屋企訓覺～太累喇～訓醒同文去沙田行宜家～之後就返屋企ＬＵ～
星期五～都係主題宴～不過唔係我負責架ＬＵ～
係Ｂ班既～佢地搞千姑宴～我做ＷＡＩＴＲＥＳＳ～
冇乜特別丫～Ｃ＋突然同我講話聽日返工～我一口就答應左～因為我想去做炒散啊～未試過嘛～
返到大埔就買鞋ＦＯＲ聽日返工～之後就返屋企訓覺～
星期六～起身好大雨啊～心諗咁大雨就算返工都冇咩野做啦～１１點就出門口～當１２點左右我去到銅鑼灣Ｃ＋先打俾我話佢冇返到～話如果我想返都可以照返～但我未去過～唔知頭唔知路都冇理由仲去架～咁我就自己係銅鑼灣四圍行～開頭諗住行過去中央圖書館對面搭返車返大埔～點知我唔識路～亂行亂撞～完全冇方向咁自己四圍行～對住Ｄ地方好似完全未去過～好驚～咁大個人蕩失路～＞＿＜
之後唔知行到邊到見到有巴士去沙田～咁我就上車走人喇～係巴士到我不斷咁喊～覺得自己好失敗，咁大個人仲好似白痴咁唔知自己做緊乜～自己又好似好自閉咁～＞＿＜好唔開心～自己一個走諗左好多唔開心既野～諗返上星期知道左Ｄ朋友原來好多都以為我有第三者先同之前既男朋友分開～俾人誤會左好多野～亦俾人諗到好衰～但永遠都冇機會去解釋～就算解釋都冇用～兩個人之間既問題唔係三言兩語可以去講得清～何況係兩個人既事～講俾其他人聽為乜丫～只有永遠背負呢個誤會既罪名～諗返係之前個段感情～我知道自己真係好衰～
傷害左人～早就應該分開或唔開始～係自己唔夠決斷～愈諗就諗唔開心～只係識喊～咩電話打俾我都冇聽～返到屋企仲將個電話收埋～最後自己全日喊餐飽～～
沒有人想做壞人。
為什麼世上壞人還是那麼多？
如果可以設身處地的想想，也許他們並不壞。
最討厭一腳踏兩船，偏偏卻做了自己最討厭的人，
才明白有些事情原來無法控制。
喜歡第三者也可以是真心的，
只是緣份和時間開了一個玩笑，
令主角變成了壞人。
但有時會想：寧願做壞人的是你。
那麼，我的心裡會好過點吧？
一拍兩散
專一至今 竟會敢 避過你的吻
伏在你身 說找到 更喜愛的人
我也居然變心 不禁要承認我
像往日我恨透的罪人
當初的我 為了你 圍滿著好友
日夜怪你 愛不夠 還驚你風流
然後到我內疚 任旁人來認購
恨你沒有問情由便放我走
誰都會散 怎知一拍便會散
怪我自己作反 明明我不應再揀
忠貞怎可以貪 給拋棄亦已很慣
不慣去承認自私 移情別愛太奸
遲早要（都）散 散得清脆未算慘
我卻要忠變奸 斗膽一腳踏兩船
想上岸時又晏 無面目再解釋
自費了承諾是否太斗膽＊
當初枉我 未拍拖 曾這樣講過
外遇那些 女主角 遲早惹出禍
誰料那個是我 又能如何恨我
沒法面對自我其實最痛楚
何苦再自命悽慘 你當我搗蛋
誓要去與他邂逅仍然從不怕被人話濫
從未做過玩家 但我卻承實認真去玩
真心相愛 未見得 為了他英俊
換掉角色 也許你 你都會包容
我到今天至懂 為情而淪落了
在背後確實有些苦衷 不可不信
ｐ．ｓ～ｔｈａｎｋ ｙｏｕ各朋友仔啊～
文章定位：
