又一星期喇～今個星期有喜又悲～每樣一半半啦～不過呢星期係多野諗左好多～係好係壞～唔知呢．．．哈～講返發生咩事先啦～
星期一（２６）今日上廚房堂～不過今日唔駛出餐～阿ｓｉｒ只係整ｄ野食～我地ｄ組員就試菜～但老實講我覺得我地ｄ餸唔係好得～不過算啦～得唔得都好～已經成事實～冇得改變～最激氣就係今日係咁俾大君係我背脊度“如來神掌”～打到我鬼咁痛～激死我～我差ｄ拎個油岡打佢！哈～放左學去左買禮物俾阿文個家姐做生日禮物，買左個ｍｉｃｋｅｙ ｍｏｕｓｅ既紙巾盒，我覺得好靚架～粉藍色～之後返到大埔同阿芷四圍行～傾下計～仲去許留山食甜品～好搞笑～我地食龜零膏同埋糯米池～點知跟住之後入黎既人都係食一樣既野～又會咁岩既～哈哈
星期二～我冇返朝早個堂文化堂～因為實在太眼訓喇～到晏晝返學～我組ｄ人去晒買野～得我自己一個上堂～開頭佢地同我講話係放學買～點知突然間改～打返俾佢地又冇人聽我電話～唉～我開始真係覺得自己係學校好孤獨～但我真係唔想帶住個假面具做人啊～ｓｏ好辛苦～個個人都變晒～已經唔係我初初識既佢地～我記得初初我識呢班同學仔～我真係覺得佢地好好～可能我真係太細路女啦～咁遲先睇到人既真面目～算啦～寧願做個孤獨人～俾心機讀書算啦～
放左學自己去左圖書館溫書～到左差唔多６點～我先出尖咀搵返阿文～因為今晚同阿文家姐同埋佢家姐男朋友食飯慶祝，始終都好似未熟咁～冇咩野講～搞到全程係度睇雜誌，不過好彩佢家姐鐘意份禮物～哈～順利過關喇～～ｙｅａｈ～
星期三～我勁遲先去上電腦堂～１０點半落堂～我１０點２先返到～哈～阿ｓｉｒ都當我出席～真係好人～哈哈哈～之後都冇乜特別～夜晚返屋企開心好多～因為我發覺原來我唔孤獨架～原來都有好人架～有人撐我架～感動喔～～
不過點都好～～可能每個人既觀點同睇野既角度都唔同～每個人都有自己既立場～人地同你唔同唔一定係你錯或者人地錯～要開始學下心平氣和咁處理事情，唔好再俾爭執變成一ｄ不必要既衝突～我要學識以大局為重呢～～～
星期四～今日早左ｄ返去～因為要去ｃｉｌｌ呀～我仲爭成６個鐘～剩返一星期～又要係黎緊個星期做埋佢ｌｕ～＞＿＜～
之後第一堂上普通話～好唔捨得～因為教我班個ｍｉｓｓ要走喇～呢堂係ｌａｓｔ～不過我會係電台聽佢既節目支持佢架～希望佢媽咪快ｄ好返啦～
佢真係一個唔錯既老師～希望遲ｄ佢會再返黎啦～
之後上ｆ１１２～好開心啊～派測驗卷我有４８分～哈～５０滿分啊～哈～
夜晚同個朋友傾電話～ｔｈａｎｋ ｙｏｕ啊～我會做返自己～唔需要隨波逐流既！我係我嘛～
星期五～出餐啊～又做返經理ｌｕ～一切都好順利～唯一係咁俾人話金毛經理囉～其實我都知自己個頭有ｄ誇～不過冇所謂啦～有需要我會噴一噴佢既～
呢ｄ野唔需要人講我都會咁做～反而有時有ｄ人好似命令我咁～我本來想咁做都變得唔想～不過算～大局為重！我要忍！
有時自己係點～成唔成熟～唔需要其他人去知～真正係我身邊同我相處既人知道我係點就夠架喇～何況我又冇影響到人既～同埋人地點睇我～我又駛乜在意呢～以前好在意人地點講點睇自己～成日迫自己去改變～其實真係好多餘～我咪係我囉～人地講我咩～既然佢講得出～我點解釋都係冇用～因為已經定左位～～記得以前睇一本著名既書（人性的弱點）中講過～每個人只係識得去批判別人～但永遠都得好少人能夠去批判自己～每個人都咁高咁大～冇人有資格去評論其他人的過錯，所以由今日開始～我要將呢一切睇開Ｄ～，而且亦都要學識唔好咁執著別人做既野～如果其他人做唔好～自己有能力就要去做好佢～唔好計較喇～咁樣做人先會舒服Ｄ架嘛～係咪～？
Ｐ．Ｓ～各位要會考既朋友仔～雪，魚，ＴＩＮＮＹ～黎緊呢星期就要會考喇～大家要努力啊～希望個個都有好成績啦～ＴＨＸ魚～我知你關心我架！我應付到架喇！^^我衰衰地都仲有個死佬係我身邊既～
楚，ＬＵＩ～你地都要努力啊～就黎考試架喇～！
芷～唔好再諗咁多啦～一切既野會過去架喇～仲有其他人揀架嘛～哈哈
霞姐～大家一齊專心讀書啦～哈哈～其他野唔好理喇～
文章定位：
