今個星期我冇做大喊包喇～做左大笑姑婆～哈～
同埋今個星期好開心～文放大假～日日都陪我～仲買左好多野添～
好啦～等我由星期日母親節講起啦～
星期日～訓到鬼咁晏～之後搞掂屋企ｄ野就落鋪頭～諗住落去問阿媽想要ｄ乜～點知落到去就俾阿媽暗串～因為個姨姨ｄ仔女買左勁大扎花同埋蛋糕同佢慶祝～我媽咪就冇人送野俾佢～之後仲要借花敬佛～哈哈～諗起自己都覺得有ｄ衰～因為鋪頭有成４個母親係度～同佢地一齊慶祝晒之後我就即刻跑去買左扎朱古力花送俾阿媽～阿媽先至冇咁瘀．．哈哈～到夜晚哥哥請媽咪飯～我因為覺得太晏同埋第二日要返早學～ｓｏ冇去到就訓左覺豬ｌｕ～～～～～
星期一～我班另一組做主題宴～叫花果宴～我就８點半返去幫手～整得好靚呀～勁有心思～我做ＷＡＩＴＥＲ～全日都好順利～之後問意見我幫強同ＫＩＮＳＯＮ做秘書～哈哈～狂抄野～出完餐文黎接我～行旺角～之後我地去左籃田～之後冇耐我就返屋企ＬＵ～
星期二～又係勁早返學～返８點半普通話補課～點知我８點９入到課室～嚇死我～一個同學都冇～個ｍｉｓｓ我又見過～因我之前個堂考會考冇返到～我唔知個ｍｉｓｓ咩人～佢勁同我講野～個感覺我竟然好驚．．．．唔知點咁～好彩冇耐就有其仔同學返喇～之後上文化堂～俾人勁拎黎取笑～好無奈～仲俾大君細軍兩隻野整鬼爛我個ｃｏｏｌ～激死我喇～上完堂文黎接我同我食ｌｕｎｃｈ～我地去左西九龍食壽司～食完仲影左貼紙相～點知有日俾ｌｕｉ睇佢話我似日本援助交際ｄ女仔～激死我呀！行完西九龍文送返我返學～佢就去睇醫生之後踼波～我就放左學乖乖地返屋企喇～返到屋企仲溫左一陣間ｅｃｏｎ～係咪好乖女呢～～～～哈哈
星期三～我又勁遲先去上電腦堂～不過今日上電腦堂目的唔係上堂～係想ｐｒｉｎｔ份大廚報告～真係有ｄ衰～哈～之後上英文～又係好悶好低能～上完英文我就冇上ｅ１００ｌｕ～我同文入左元朗行街～行完街街就返大埔ｌｕ～因為我第日要考會考ｅｃｏｎ～費事太晏返屋企冇時間溫書～之後返到屋企溫左２個幾鐘～就訓覺～訓到第２日４點半就起身再溫書～
星期四～捱住眼訓去三育考會考～撞到阿欣佩林小紅帽海琪～見到入試場前個個都好勤力係咁溫～我就連書都冇帶去溫～哈哈～係咁四圍睇風景～考卷一～我做得好少～ａ ｐａｒｔ做晒～但應該好多唔岩～因為勁多吹既～ｂ ｐａｒｔ就做得一題～哈～死梗～之後卷二我就唔肯定ｄ答案～總係覺得某兩個答案都岩咁～估其中一個就算～我諗今年會考ｅｃｏｎ都唔方好～但算啦～合格我都應該偷笑～話晒我正式溫返都係得３日左右～哈哈～考完試就同ｌｕｉ霞姐楚返ｈｅｂｒｏｎ拎校列同老鍾傾下計～點知個衰人要我等成半個鐘～之後我地唔等就走左ｌｕ～我同ｌｕｉ楚去左文娛中心買飛睇舞台劇～點知最後係打電話買～勁搞笑～之後諗諗下就買飛睇太空館個套講珊瑚既戲～同ｌｕｉ楚去入左數之後我就自己去尖咀搵阿文～我勁眼訓～一上車就訓到總站～仲要係司機上黎叫醒我～哈哈～勁樣衰～套戲好正～ｄ珊瑚超靚～係太空館睇個真實感好勁～好似ｄ珊瑚係你面前咁～睇完之後我就開始覺得唔舒服～但冇理到～同阿文繼續行街～行金百利～利事～之後經過九龍公園～我頂唔順跑入厕所狂嘔～嚇鬼死阿文～哈～但嘔完成個人就冇乜野～之後返大埔大食貓食飯～之後就返屋企ｌｕ～～～
星期五～都係主題宴～係最後一個同埋亦係我今年最後一次出餐堂～我做ｃａｐｔａｉｎ～哈～我話唔舒服唔做～ｋｉｎｓｏｎ又話冇心情唔做～搞到得返阿強做野～搞笑～不過整日都好順利～係我發現隻眼唔知點解好鬼痛～之後上完堂我就換返眼鏡～原來我副ｃｏｎ爛左少少～又要買過添～之後文黎接我～我地去左ｍ記換狗仔～再睇叮噹～之後食飯～就咁又一日喇～～～～哈哈
星期六～今日精彩喇～我一早出去同文去左尖咀唱ｋ～唱完ｋ就入東涌行街～不過東涌冇乜野好行文又係ｍ記換狗仔～之後我地又係百佳買左隻狗仔既攬枕～東涌間百佳好鬼死大～幾多野行～行完東涌我地就搭Ｅ４１返大埔～我地兩個上車冇耐就訓著～一訓就訓到返大埔～哈哈～返到大埔我先去眼鏡８８配返對ＣＯＮ～好彩即日有貨～之後我地行左去寶湖穿耳～我同佢一人一隻～穿埋呢一隻我就加埋有４隻ＬＵ～夠ＬＵ～穿完耳時間尚早～我地又行返大中～係吉之島我買左對ＮＩＫＥ波鞋～買完野就係大中橋個間粥店食飯就返屋企ＬＵ～
星期日～阿文最後一日大假～我２點先同佢出ＭＫ行街～首先我地係義順食野～之後係聯合我買左條裙～佢買左條褲～行完聯合我就同佢去左花墟個邊買花同盆栽～買完野上佢屋企放低Ｄ野～點知見到佢ＤＡＤＤＹ～哈哈～佢同佢ＤＡＤＤＹ真係幾似樣～到差唔多６點我地就返大埔凱旋門法國餐廳食飯～之後我就返屋企ＬＵ～～～～～～
今個星期阿文日日都陪我～我地ｄ感情好左好多～拍拖到而家見得最多都係今個星期ｌｕ～不過黎緊佢返工我又返學～我地又開始會少ｄ見ｌｕ～不過唔緊要啦～經過今個星期～我對佢既感情已經穩定左好多ｌｕ～
Ｐ．Ｓ～魚ＴＨＡＮＫ ＹＯＵ喇～我冇咩野架喇～仲睇得好開添～～考完試去踩單車丫～我好想踩呀！
文章定位：
