19-Nov-2006(Sun)
昨晚與IVE D朋友仔相約到causeway bay飲野，
約好左十點~~以為今次叫埋TIK小姐~~
你地班人唔會遲到啦~~點知都係有人......
不過算啦~~因為係唔係都要等位~~
等左一輪,大約十一點SETTLE好~~開始飲野~~
大話骰, 加料lucky, 龍蝦枚, ”yo”, 加埋一輪partner之後,
竟然係TIK小姐第一個率先到後樓梯報到,
仲以為tik小姐你好飲得tim~~!
(見你個blog都耐唔時提下你同你d同事出去飲野~~)
點呀?! 阿峰&豪仔....你地倆個對我個FD做左D野黎呀?!!
見到TIK小姐咁~~我當然陪佢去後樓梯睇住佢啦~~
點知~~扶扶下TIK小姐, 發覺自己都有D唔對路~~
點解我都企唔穩既??
死~~真係出事~~?!
好在SZETO及時趕到~~!
扶左我坐埋一邊~!同睇住TIK小姐~~!
接住肥波, 康, 豪仔相繼出事…!!
尤其係豪仔~~
成晚都攬住個bucket~~死左咁~~!
我估佢天光都未清醒ga la~!!
一行8人~~得番三個人(SZETO,峰,MACUS)係冇醉,
真係多得佢0地輪流睇住我0地(尤其係我同TIK小姐)~~!!
我同阿康3:30左右就清醒番啦~~
不過tik小姐就真係死左啦~~
俾我地影左相都唔知~~! >_
見到咁~~真係提醒自己千祈唔好飲到咁~~!
玩到5:30~~個個(除左豪仔)都開始酒醒的時候~~
就回家休息lu~!!
總結:
從來都未試過出去飲野!
今次係第一次~~!
亦都冇諗過會飲到嘔~~!
仲要係突然之間上晒腦咁~~!
不過wing緊的期間,
個感覺又幾得意won~~!
好似玩緊過山車咁~~飄下飄下~~!
聽到d人講咩~~問我咩~~!知道身邊發生緊咩事~~!
不過就係冇晒力~~唔想講野~~~!
死啦~~我會唔會愛上飲酒呢??
我唔可以咁ga~~~~~~!
wing後有感:-
其實我知我唔可以俾一D已經唔關我事既野影響到我~~
不過事實又真係令到我唔開心左一個上午~~
我都唔知點解~~!
好在~~我都係唔開心左一個上午咁大把ja~!!
呢期個人好想反叛一下~~放縱一下~~
好想反叛 -
係因為發覺自己已經廿幾歲人~~
都仲好似成日俾人「控制」住咁~~~~
雖然唔係d咩事~~亦都明白阿媽唔係偏心~~
只不過真係好唔開心~~
點解阿妹話幾時訓我就要幾點訓???!!!
阿妹訓覺又唔俾我用computer?!!
阿妹仲過份~~熄我computer~~!嘈到阿媽醒左~~!!
一家人點可以咁ga~~
咁即係明蝦我唔會反抗你地ja?!!
真係”激”死我~~”憫”死我呀~~!
發覺自己咁好人都唔知為咩??!!!
性格問題~~好難改~~
真係”憫”死自己冇人知~~!!
唔知可以點做先好~~~
so 好想放縱一下~~發洩一下~~~!
p.s.
take bath 時發現,
我兩條大脾有d”如”傷~~
一定係同阿康玩”yo”果時自己打到自己咁~~~!
勁低能~~!真係要諗下點樣modified呢個game先得啦~~!
文章定位：
