24h購物| | PChome| 登入
2004-02-29 00:26:00| 人氣551| 回應0 | 上一篇 | 下一篇

狂迷 -

推薦 0 收藏 0 轉貼0 訂閱站台

鐘意呢套戲既人一定具備以下某種條件: 鐘意電影, 鐘意王家衛或主角, 好孤獨, 好鐘意孤獨又或者本身係自閉患者。 <重慶森林> , 九五年香港電影金像獎最佳電影、最佳導演、最佳男主角及最佳剪接四獎。



當何志武警察 (金城武) o係士多餐廳同阿菲 (王靖雯) 既距離只有 0.01 公分既時候, 我由心咁笑左出黎, 因為知道戲既下半段開始 - 影帝遇著表達能力破產既天后。
當你發現套戲佔左唔少時間描述阿菲神下神下咁遊魂, 返工又手舞足蹈, 偷入 663 屋企仲大人大姐玩飛機模型時, 你可能會話『搞錯呀, 做咩o者』; 但當你跟住見到失戀既警察編號 663 (梁朝偉) 一條友o係屋企鼓勵一條毛巾一舊(返揀)、又同毛公仔傾計時, 包你送院救治。

我覺得王大導安排何志武狂o拍 30 罐過期波羅再加上以上情況出現, 係想用極誇張而過份既自戀去交待我們都寂寞。試問邊會有一個人可以好似 663 咁, 屋企既用具同埋佈置變晒, 甚至茄汁沙甸魚既罐頭食出豆豉既味道但完全無反應? 但可能因為我認定導演係咁諗, 所以戲入面既犯駁位我睇得好開心。

順帶一提, 有人覺得 Faye 完全唔識做戲, 但我覺得『買金魚賣金魚腳軟行唔郁』一幕以及『菲式魂遊』之自然程度都絕對唔簡單。



『不知道從甚麼時候開始, 在每個東西上都有一個日子; 秋刀魚會過期, 麵包會過期, 就連保鮮紙都會過期。我開始懷疑這個世界上有甚麼東西是不會過期的。

『在一九九四年的五月一號, 有一個女人跟我講了聲生日快樂, 因為這一句話, 我會一直記住這個女人。如果記憶是一個罐頭的話, 我希望這罐罐頭不會過期; 如果一定要加一個日子的話, 我希望它是一萬年。』 (何志武)



好鐘意阿菲唔止靚仲好身栽; 好鐘意 663 一條人夜晚咬住支煙白背心白三角底通屋走; 好鐘意 663 o係大雨之中扔左封信之後又用便利店焗爐仔焗返乾 - 唔愛又愛。

不過講到底都係鐘意王大導演, 無你無 <重慶森林> 。我唔識分自閉同自戀, 但我估自閉既人既世界入面只得自己, 咁如果佢無抑鬱自殺既話, 佢應該都需要相當程度既自戀。人人都一定自戀, 但有無人夠膽唔虛偽, 乜 Q 都以自己為先? 一部正合我意既超自閉/戀既愛情片。



(p.s. 同林青霞講聲對唔住 - 我上文完全無題過妳果個金髮黑超雨褸販毒女人既角色; 另, o係香港時間二月廿八至英國時間二月廿七交界, 我用完呢份自選既生日禮物, 可能係可憐, 都可以係幸福。)

(但就連我到底算生左日未都唔可以確定, 人生真荒謬)

我要檢舉
台長： ML

您可能對以下文章有興趣

人氣(551) | 回應(0)| 推薦 (0)| 收藏 (0)| 轉寄
全站分類: 心情日記(隨筆、日記、心情手札)

我要回應
否 是 (若未登入"個人新聞台帳號"則看不到回覆唷!)
* 請輸入識別碼：
請輸入圖片中算式的結果(可能為0) 
(有*為必填)
TOP
詳全文