還不如放肆 成熟是開始覺得生活的次序和下場越來越清晰可見，可能性越來越少。 擅長負責任地思考的墮落中年，現在只想拼死守衛常識。

224愛的鼓勵 0訂閱站台

睇報紙時除左『成龍個仔都做到明星嘩世途險惡』之外, 都仲有 D 野睇既



朋友話覺得我可能會寫得幾好笑, 多謝, 但我更要多謝佢咁講令我諗起『嘩係喎, 我雖然係瘦仔, 都試過暴力架喎』。
故事發生於三至五年前, 次數三至五次不等, 次次單拖。
實況相當模糊, 依稀記得受害者甲佔左二至四次左右, 而深刻原因係因為我既攻擊手法只係 MEET , 施行時唔覺得係用緊暴力咁誇張, 只係玩, 但當阿甲『告』我之時, 清楚見到瘀痕, 所以雖則係 MEET , 但亦列為暴力。梳。

至於受害者肥仔乙被我暴力一事, 可能係我最親身最強烈感受到『暴力行先』既優愈感 - 一種相當唔人道唔應該, 又好實在既虛榮。
o係一片熱鬧、類似全班連班主任一齊o係班房食完 lunch 未走得既環境之中, 又唔知因咩事, 可能係佢串我佢偷睇我 D 乜等等, 總之我好嬲, 同阿肥仔乙講左唔夠三句

o拍。

無情力就係無情力, 食得特別應, 有人仲『喂o也咁激！』 - 就係咁一巴兜口兜面兜住成班人面前車埋去。奇怪在呢個平時都 ok 好火既八婆形肥仔無追過黎丙我。我梗扮無野返埋位搞呢搞 LO 啦, 你問我驚唔驚佢過黎單挑, 我梗話驚架, 邊有諗後果丫呢 D 野。
同兩位講返聲梳。希望依家 D 友仔學我: 頂盡玩 MEET , 最多久唔久醒果條友一巴, 好過日日俾你丙鑊甘... 一陣死 Q 左或者『只係』殘廢都真係內疚幾世補唔返。

人都係犯賤。呢頭睇唔起人, 果頭上網見到有得 DL 我又走去睇人丙其他人... 嘩, 真係好狼, 五個人以上全部著紫紅色校褸, 我當每人十拳, 都五十, 你估猜財拳呀? 十五二十? 唔止喎, 仲用凳喎, 我睇住果條友仔一開始拎起張凳果時有 D 唔忍心架, 點知最後都成張掟落去果個已經被人 K.O. 訓低既同學丁度。都幾可憐, 阿丁俾人丙其中一個原因:『我問你做乜阻住我條路呀』

打人都學到野囉真係, 試問你唔打開人, 點可以諗到一個咁求其既籍口去達到其他目的先



我唔明點解要去介定愛國。分咩o者o係度... 咩叫做『咁愛就好愛』或者『咁樣愛就唔夠愛/唔係真係愛』?
我覺得你可以勁愛, 可以少少愛, 亦理想當然可以唔愛
做咩o者... 係真係唔開心, 咩解究我果個所謂既祖國一定要我愛佢呢? 喂, 講緊既愛仲要係訓身愛先至係愛喎。咁都未算, 因為如果我唔愛佢, 佢會話我圖謀作反添。我又唔識火燒連環船又唔識引兵入關, 靜係想唔愛你o者... 咁失戀係咪可以打官司告佢『分手等於意圖加害於我』先? 我睇上面各位既元老一定係睇 <呆佬拜壽> 睇得太多

『中國數千年來謀財自然膽拖害命架啦』 - 招積 <呆佬拜壽>

真係講唔通。我成廿歲人, 個失散老豆幾年前返左黎, 依家愈管愈嚴, 必要時仲搬埋阿公的說話出黎晒。當日認返我果陣口口聲聲話『一家各有各』, 依家就話要o係『一家之主既大前題底下』; 唔聽話仲要俾佢話陀衰家...

總之當初你對我無乜影響我咪無乜反應囉; 今日你要行家法, 我呢種跟尾狗咪跟住班大律師黎唔妥你囉;不過想提你: 我唔食狗餅架唔該, 鬧我搵等二樣丫