24h購物| | PChome| 登入
2004-02-18 01:18:10| 人氣335| 回應0 | 上一篇 | 下一篇

.C.U.L.T.

推薦 0 收藏 0 轉貼0 訂閱站台

CULT 片。一直好想知係點解, , 不過字典既譯意好怪; 直到呢期過份沉迷, dick 起心肝, 發現佢既解釋係非主流而又有一眾影痴追捧既另類電影。

不過定義唔需要亦無辦法深究, 因為我發現o係唔同 CULT 網, 佢地對個別幾齣電影既意見都有幾大既分歧; 加上其中一網站既說明話『藝術電影唔一定 CULT, 但如果你覺得藝術電影好另類, 咁佢就係 CULT』。因人而異。

呢個說法係我話既: 叫好唔叫坐既戲極大機會都係 CULT 片。你睇王家衛同埋陳果就可以完全理解。當然唔叫好又唔叫坐果 D 例如 <陰陽路 19 之我隻眼見到野> 都應該好 CULT。 靜係個名都 CULT 到反艇。



我唔會話我鐘意 CULT 片, 因為 <山狗> 同 <兇榜> , 仲有好多鬼片變態片超暴力片都係 CULT 片, 我通通唔得。

但我o岩o岩先發現原來我追尋緊既幾套都無獨有偶被稱之為 cult 片。有條友叫劉鎮偉編導先生, 原來佢有個『港產 CULT master』既美譽 (or 臭名遠播如果你唔得佢 D 戲); 又原來我呢期等到頸都長既 < 92 黑玫瑰對黑玫瑰> 、 <回魂夜> 再加埋 <西遊記> 上下通通都出自佢手。犀利。

以上電影無睇過? 唔緊要, 再講落去你總會知佢係拍邊種戲。 <睹聖> 、 <玫瑰玫瑰我愛你> 、 <東成西就> 、 <黑玫瑰結義金蘭> 、 <天下無雙> 。
無理頭笑位玩到最盡, 亂黎但好過癮, 痴線式幽默。

佢同王家衛交情好深, 二人作品相互影響, 佢又同星爺幾套好重要既戲拍住上, 所以狂迷王大導狂迷星爺狂迷港產片, 自然唔少得狂迷新歡劉鎮偉。



(p.s. 最 CULT 既戲根據各網提供係影帝秋生哥既 <伊波拉病毒> ... 各網『認真地』『一致認為』拍呢套戲既全組人陷入一種失常狀態, 為變態而變態, 戲既劇情我睇完文字描述之後差 D 當場嘔瀉...刀斬陷家、人肉漢堡包、用豬肉唔知乜野飛機跟住煮俾客人食、姦大肚婆、病毒大擴散下刪數十字)

我要檢舉
台長： ML

您可能對以下文章有興趣

人氣(335) | 回應(0)| 推薦 (0)| 收藏 (0)| 轉寄
全站分類: 電影賞析(電影情報、觀後感、影評)

我要回應
否 是 (若未登入"個人新聞台帳號"則看不到回覆唷!)
* 請輸入識別碼：
請輸入圖片中算式的結果(可能為0) 
(有*為必填)
TOP
詳全文