劏豬＠Dennis｜PChome Online 個人新聞台

2007-01-29 01:06:58| 人氣27| 回應0 | 上一篇 | 下一篇

劏豬

推薦 0 收藏 0 轉貼0 訂閱站台

上回講到無同班同事去青島玩,反而同咗酒店啲staff混熟. 咁星期日晏晝同Annie去咗廣場同銀座行咗兩個鐘,我地就返番酒店既gym room玩吓,夜晚又係酒店食,好悶,嘛周圍行囉,點知停車場個保安打俾我,話帶我去玩吓,嘛同咗佢地去金佰匯,可以同本地差唔多年紀既人吹吓水飲吓嘢,睇吓啲人跳舞,算係呢個咁沉悶既山東之旅加番啲色彩.

然後第二日食飯,先知佢地青島班機取消咗,所以要包咗架的士番黎臨沂,撘咗成三個鐘先番黎,真係好彩無同佢地去. 因為今個星期係last week,所以啲嘢比較趕,而有一日Mary派咗我去肉联廠,去睇豬既屠宰過程. 唔...首先會電死隻豬,跟住就放血,放晒後就會脫毛,斬豬頭,(不過個豬心重跳緊),劈半,斬件.......過程真係好核突,啲肉同血既味,混係一個充滿蒸氣既室內,睇完之後,真係走到走唔切.

呢幾日夜晚要趕夜車,不過Mary日日都同我地出去食,去過御香園打邊爐,又去咗一間食粵菜既酒店食,好啱我地香港人口味,價錢亦都好香港,所以成間酒樓都係得我地一枱. 有晚,同咗呀Sing打乒乓球,最後玩超級無敵"迪迪仔",好搞笑. 最後一晚我地四個去打保齡球,跟住睇咗佢地打麻將既洗牌機,就上房睇我既笑傲江湖大結局,haha~~

星期五,一早同班保安say goodbye,就撘番四個鐘車去青島坐機回港,雖然有delay,但係可以係機場撞到另一個同事,真係好呀. 九點鐘,終於番到黎香港喇.

我要檢舉

台長： Dennis

人氣(27) | 回應(0)| 推薦 (0)| 收藏 (0)| 轉寄
全站分類: 心情日記(隨筆、日記、心情手札)

回應(0)