唔好同人講呀~~＠Dennis｜PChome Online 個人新聞台

2007-01-21 01:48:09| 人氣36| 回應0 | 上一篇 | 下一篇

唔好同人講呀~~

推薦 0 收藏 0 轉貼0 訂閱站台

"千祈唔好同人講,我地呢度好閑."我地manager同我地講. 因為而家係audit既peak season,如果俾其他人知道我地咁就唔係幾好. 點講呢,呢個星期無開過conference做到十二點呀,通常都係食完飯可以返房. 其實都唔係話特別無嘢做,啲senior都幾趕吓,不過我同Edith呢啲低層次可以幫忙既地方唔多,好似今個星期咁,自從Mary黎咗,我就清咗啲飼料廠既query,又改吓啲system,可以話都幾輕鬆吓.

我地平時最多嘛夜晚去出食吓嘢,或者weekend出去廣場行吓. 不過因為呀升唔舒服,所以上星期日都係食完間集集古鎮就返酒店,所以有時間讀經,聽吓青年聖歌,係一位姊妹俾我既. 跟住Mary夜晚同我地去咗間叫江湖川菜食開job飯(出job既慣例,通常最高級會請食飯),樣樣都好食呀,但係叫得太多,又剩番好多嘢. 之後幾日又去過Dio,一間Annie想去好耐既西餐廳,同上島咖啡格局差唔多,叫咗一個成百幾蚊既牛排(當地都算貴,佢地工資平均一千蚊),一啲都唔好食囉.

今日星期六,我地其中有三個同事去咗青島玩,嘛Mary同呀升佢地,淨番我地三個人. 我唔去係因為佢地要早上五點鐘起身,坐四個鐘車去青島,明天下午就會撘番飛機番黎臨沂,連埋租酒店預算一千蚊喇,我覺得青島無咩吸引力,太多時間同錢嘥係交通,所以嘛prefer留係度. 所以晏晝出咗行街買嘢,買咗對converse鞋,係62蚊咋,真係平到笑. 夜晚,同咗酒店一個保安傾計,佢重細過我,陪咗我成兩個鐘呀,我最鐘意同本地人傾計喇.

黎緊會係last week,好嘢~~

我要檢舉

台長： Dennis

人氣(36) | 回應(0)| 推薦 (0)| 收藏 (0)| 轉寄
全站分類: 心情日記(隨筆、日記、心情手札)

回應(0)