看檔＠Dennis｜PChome Online 個人新聞台

2005-10-23 23:50:04| 人氣57| 回應0 | 上一篇 | 下一篇

看檔

推薦 0 收藏 0 轉貼0 訂閱站台

星期五本來諗住Daniel無返,可以早走返鑽石山家禱,點知最後都走唔到. 不過都夜晚同咗Casette見面,佢的態度同以前一樣,我一路都有少少反感,不過無計喇,哈哈. 其實佢都好記得我,某程度講都算有緣. 跟住番咗公司做嘢,搞咗兩個鐘,大約十二點鐘先走,好攰.

星期六係一個休息的日子,所以一早就番UST做gym,之後返青聚,今日係詩篇分享2,一開始導師己經分享119,我的重點就唔同,著重於詩人看神的話極其寛廣,生發出對神話話的渴慕. 順達很有感情咁講佢近日的福音服侍....之後本來諗住同弟兄們去食嘢,不過係我唔好,唔得得叫順達,所以最後都係一齊去咗西九龍中心去睇吓嘢,不過都係揾唔到我地想揾的嘢.

主日,擘餅的時侯,我坐咗係一個好凍的位,所以我的活動值己經跌至零,到書藉分享的時候咁我上咗前面坐. 其實我都想分享"請人為自己代禱",因為我地係呢方面學習真係好唔足夠,連保羅不以為恥,何況我地. 跟住因為要去九龍灣幫手,所以十二點就走咗.

最後我要成兩點先去到,因為原來有好多人排隊入去,咁我係展貿簽到攞咗件staff衫就出番德福維持啲人上車的秩序,三點幾都好多人. 跟住有人接力我就番咗去幫手,check啲人要有證先入得去玩,原來啲人黎攞嘢,一箱一箱的惠康牌. 最後搞到五點幾我就走,撘28巴士去尖咀.

我行咗一陣海港城Kitty就黎,返咗咁耐工都無行過咩街,入Zara同L.C.睇咗啲呔,無咩啱心水,又去咗agnes b,佢的心水同我一樣,其實我鐘意個大袋,不過我著suit就唔係咁襯囉,不過有少少貴,等出咗糧先. 係港運的Panash食,今次好好喎,超水準添. 我地由海旁行行尖東,最後番落Park Lane,好攰呀.

我要檢舉

台長： Dennis

人氣(57) | 回應(0)| 推薦 (0)| 收藏 (0)| 轉寄
全站分類: 心情日記(隨筆、日記、心情手札)

回應(0)