早走＠Dennis｜PChome Online 個人新聞台

2005-10-21 00:32:15| 人氣36| 回應0 | 上一篇 | 下一篇

早走

推薦 0 收藏 0 轉貼0 訂閱站台

今個星期頭兩日都好辛苦,最衰都係啲數成日改,個budget有成十個version,好夜先俾到數我,十一點幾先同我講重有份report要出,有日因為瞓得唔夠,所以個頭好痛,又要做完啲嘢先走得喎,

尋日好開心,因為萬寧淨係得我返,其他人去晒開會,佢地下畫三點先返黎,我可以食晏食得輕鬆啲,食完之後去咗鰂魚涌公園,原來有唔少人係度打網球,重有唔少人一路食飯盒一路睇人踢波. 佢地番黎之後發覺叫我朝早做的嘢係錯的,咁之前幾個鐘就係改番成朝做的,總括黎講係成日咩都無做過. 不過唔緊要,最緊要係六點幾可以走,返到查經,真係好開心好難得.

保羅能夠,我之前都以為係因為佢性格強,學識高,口材好,點知其實唔係,原來一切都係因為佢蒙恩的感覺清楚,所以佢為主格外勞碌,不以為苦,卻以為係自己格外蒙恩. 之後同卓智弟兄去茶餐廳食嘢,我地都食常餐,傾咗唔少工作同生活上的事,願主記念我地所面對.

我地的CFO:Johua last day,佢要去美國讀risk mgt喎,咁4:30係一個會議室搞farewell,叫咗一堆到會,又有人整cheesecake,佢地話呢度做嘢有一個好處:Jardine係一個作風正派的地方,都有同事分享自己係基督徒,係度做嘢好在係同信仰無衝突.

今日,會有一件事發生,一件本來應該開心的事,但係又好令人担心. 識咗咁多年,睇住佢一步一步咁走向歪路,在世人睇黎似乎無咩問題,但係在於我地的眼中,真係好痛心.

我要檢舉

台長： Dennis

人氣(36) | 回應(0)| 推薦 (0)| 收藏 (0)| 轉寄
全站分類: 心情日記(隨筆、日記、心情手札)

回應(0)