為主?＠Dennis｜PChome Online 個人新聞台

2005-10-08 17:55:42| 人氣39| 回應0 | 上一篇 | 下一篇

為主?

推薦 0 收藏 0 轉貼0 訂閱站台

返工就係咁,無咩自己時間,放工返到屋企己經十點,食完飯沖完涼都成十一點幾,無精神去讀吓QP,更加無時間去游水做gym,又無得彈琴,想約人出街只可以係食宵夜時間,或者淨係可以飲吓嘢,一返工就幾十年.....所以讀書的朋友,你地真係要好好玩盡依家呢段時間.

今個星期開始帶飯,有四大好處:快,唔使同人逼,慳錢,健康. 唯一就係要洗,因為好多人同一時間洗,所以都有少少麻煩,不過食完咁早,所以會有時間落去行吓,有日行咗去香港殯儀館添,我都係今日先知有間咁的嘢. 昨天,要入P&L去我地個會計system,前日己經有人教咗我成幾個鐘,今日自己做,好多人係我身邊幫手,Lillian雖然成七點先俾到數我入,但係佢等埋我做完啲數啱晒先走,而另一個Dennis又成日黎幫我,所以我覺得啲同事都好好人. 就連Susan雖然係director,但係都好有心機咁教我嘢,所以萬寧team都幾好.

今日一早返科大做gym,兩個星期無做己經退步晒,順便book埋畢業袍.(我想放工時間穩定啲先決定join唔join市面的健身中心,如果日日都九點先走,我諗到唔使join.) 之後去尖咀荷銀搞啲嘢,北京道一號,有無敵大海境,不愧為荷銀. 下年返青聚,梁姑娘講到俄巴底同七千人,其他嘢都可以唔記得,但係最緊要係:我地永遠都講唔上為主,因為主一早己經為我地為到盡,主唔需要我地獻任何的嘢,就好似父母唔其望任何回報一樣,突然自己好似第一次聽咁新鮮.

夜晚返咗太古坊,行咗過去太古城同我呀"女麻"食飯,八十二大壽,有二十個人呀. 呢啲飯局真係令人好攰.

恩典教導我心畏懼,敬畏神亦教我認識恩典.

我要檢舉

台長： Dennis

人氣(39) | 回應(0)| 推薦 (0)| 收藏 (0)| 轉寄
全站分類: 心情日記(隨筆、日記、心情手札)

回應(0)