七十七＠Dennis｜PChome Online 個人新聞台

2005-10-04 01:07:52| 人氣44| 回應0 | 上一篇 | 下一篇

七十七

推薦 0 收藏 0 轉貼0 訂閱站台

最後便服日都係著埋啲悶衫,不過損咗幾十蚊又可以攞番啲coupon都幾有用. 星期六我好白痴咁俾人呃咗返公司,因為老闆叫我返,點知佢自己都唔記得係公眾假期,九點返到去一個人到無,咁唯有做吓自己的嘢囉,無冷氣無人,坐咗一陣己經想走. 跟住番青聚,其實詩篇分享係好難,因為好多係自己直接的感受,所以一開始始似唔係咁多人,跟住自己分享咗詩篇七十七,其實都係一點感受. 跟住一個人去咗游水,因為己經好耐無試過,雖然天氣唔好,但係因為少人,所以都幾舒服,返工真係好少運動吖,無得做gym真係唔開心.

主日,有一位新的人由加拿大回港,現在等候上大學,和我們弟兄眾人一齊去食飯,希望佢能夠慢慢識認我地喇. 夜晚去尖咀同Teri食嘢,去咗Ashley一間食印度嘢,其實都幾少人吓,不過啲嘢食都ok,同埋價錢係尖咀都合理. 我想去新開的Sogo睇吓,不過原來係小熊國喎,所以都幾細吓,同CWB的無得比喎,之後返番海運我地的熱蒲點,但係尖咀今日好少人,比平日更少,不過咁嘛重好,最後去咗agnes b睇咗個袋,因為想買個袋返工用,可以攞到飯盒既.

今日番工好辛苦,因為知道自己要做咩但係又做唔到,都係公司個電腦system累事,而且又趕緊下年的Budget,所以真係好忙,但係咁忙都竟然要去應酬,因為我地的CFO今日係九龍會請我地去玩喎,不過我的嘢又真係未搞得掂,但係九點幾都趕咗去佐敦,啲人係度玩保齡玩到咁勁,而我又唔鐘意呢啲場合喎,真係返屋企休憩吓好過....最後成十一點幾先走得.

我要檢舉

台長： Dennis

人氣(44) | 回應(0)| 推薦 (0)| 收藏 (0)| 轉寄
全站分類: 心情日記(隨筆、日記、心情手札)

回應(0)