24h購物| | PChome| 登入
2005-09-22 01:27:41| 人氣43| 回應0 | 上一篇 | 下一篇

中秋一聚

推薦 0 收藏 0 轉貼0 訂閱站台

中秋節翌日,一早去咗太古同呀"女麻"飲茶,重有姑姐同佢個囡,其實一年都會見面三四次,所以都知道我揾緊嘢做,姑姐係怡和做人事部既,就介紹咗份牛奶公司的finanical analyst俾我,咁其實大家都明白我咩工都要做住先,再唔係會生虫.....

我就返咗深水埗見班弟兄,因為之前有弟兄提議今日大家敍吓,可以吹吓水. 佢地其實一早己經去到,咁我係去西九龍中心的途中竟然俾表妹撞到我,大大聲咁係條街叫"表哥,咩你唔係飲緊茶咩?". 我去到西九龍的時候,彥俊己經要走,淨番打足全場的卓智同偉文,我地最後去咗哈迪斯,由兩點幾坐到六點幾,就係飲住杯熱的芒果紅茶,三個人就分享大家信主的經歷同感受.

我最開心就係攞啲珍貴的相出黎同兩位弟兄睇,由我呀媽早期的教會相,到我呀哥同羡華向華一齊玩一齊做花仔花女的相,到我出世手抱影的,有國寶年輕書生的打扮,重有某一年的聖經班:當國泰,雪黎,偉東還是中學生的時候,我地就係度認....林生呀.....榮基呀....其實呢啲相我係呢個星期係第三次睇,每一次都係咁大感受,正如卓智所講,心裏面多咗一分沉重,因為要一生之久走窄路,除謹守自己靠著主的恩之外,根本係無可能,我地呢班剛起步,還未經過考驗的信徒,實在相差甚遠.

偉文因為要踢波所以走先,而我同卓智就去咗食飯,點知間越南嘢啲粉包酸既.....八點鐘過咗CWB去見一個認識咗三個月,但係無見個幾月的朋友,佢同我講我唔同咗好多,我明白佢指咩嘢,無錯,我心態上己經唔同咗,所以...我係無以前嗰種稚氣,創傷帶來意想不到的收穫. 而佢本書我一直都keep住,其實我都無諗過要睇.

唔知你地睇完啲相明唔明教會對於我黎講有幾重要呢?係我出世同成長的地方,係我的根同最終的歸宿.

台長: Dennis
人氣(43) | 回應(0)| 推薦 (0)| 收藏 (0)| 轉寄
全站分類: 心情日記(隨筆、日記、心情手札)

是 (若未登入"個人新聞台帳號"則看不到回覆唷!)
* 請輸入識別碼:
請輸入圖片中算式的結果(可能為0) 
(有*為必填)
TOP
詳全文